افغانستان اسلامی جمعیت حزبی اورین باسری احمد ضیا مسعود، کابلده (سابق شوروی بیرلشمه‌سی نینگ ۴۱- ییل تجاوزی) نامیده اوتکزیلگن مراسمده صحبت اوتکزیب، اولکه جمهور رئیسی محمد اشرف غنی اولکه‌نی اداره قیلیشده قادر ایمس، تروریستی گروه‌لر برابریده جدی بیر شکلده کوره‌شیش اوچون سیاسی قدرت‌نی ملی مدافعه وزیرلیگی‌گه تاپشیریلیشی کیره‌ک دیگن.
جناب مسعود نینگ ایتیشیچه، ملی اردو حربی‌لریگه قدرت تاپشیریلگن صورتده، تینچلیک مذاکره‌سی هم نتیجه بیریشی ممکن.
جناب مسعود نینگ ایتیشیچه، جمهور رئیس غنی زمانیده هیچ‌بیر مثبت ایش اولکه‌ده انجام بیریلمه‌گن و اولکه‌ده فقر و ایش‌سیزلیک رقمی جدی بیر شکلده آرتگن.
افغانستان اسلامی جمعیت حزبی نینگ اورین باسری‌گه کوره، حکومت نینگ مدیریتیده قیین‌چیلیک بار و اولکه نینگ اداری پالیسی‌سی اوزگریشی لازم.
جناب مسعودگه کوره، اولکه‌ده اوروش دوام تاپگن حالده «افغانستانده‌گی تروریستلرگه قرشی کوره‌شیش» آتیده بیر بیرلشمه سیاسی و جهادی قوماندانلر تامانیدن توزلیشی لازم دیگن.
اونینگ ایتیشیچه، اوشبو بیرلشمه افغانستان جماعه‌سیده بیرلیک‌نی تامین قیلیش و امنیتی کوچلردن حمایت قیلیش بولیشی ممکن.
جناب مسعود نینگ سوزلری خصوصده، جمهورلیک ریاستی نینگ فکرینی آلیشده تلاش قیلدیک، لیکن جمهورلیک ریاستی نینگ سوزلاوچی‌لری سوزلشیشده تیارلیک کورستمه‌دیلر.
