ترانسپورتی و یوک تاشووچی شرکتلر، ییر ترانسپورت انسجام کینگشی نی قتناویوللرده باج آلیش گه عیب‌لب و ایتیش‌لریچه، مذکور کینگش ناقانونی شکلده موتردارلردن پول آله‌دی.

مذکور اعتراض ده شمال و شمال‌شرق ترانسپورتی مسئولی آصف غوربندی نینگ ایتیشیچه، گرچند ییر ترانسپورت انسجام کینگشی ترانسپورتی خدمتلر آسان‌لشتیریشی نی ادعا قیلگن؛ بیراق عمل ده هیچ قنده‌ی ایش قیلمه‌گن.

یوک تاشووچی موترلر هیداوچی‌لری سلیمان مومند نینگ ایتیشیچه، افغانستان قتناویوللریده باج آلیش یوقاری کیتگن و شونینگدیک اولر مالیه وزیرلیگی نینگ سیار مراقبت بولیم‌لری و ایچکی ایشلر وزیرلیگی نینگ خوفسیزلیک پوسته‌لریگه پول بیریش گه مجبور دیر.

بیزلرنینگ فیسبوک صحیفه‌میزگه هم باش اورینگ!

شونینگدیک جناب مومند ییر ترانسپورت انسجام کینگشی آرقه‌لی پول توپله‌نیشیدن هم تنقید قیلگن. «سونگی پیتلرده قتناویوللرده انسجام کینگشی تامانیدن هم موتر و هم کانتینرلر قوییلگن و هیداوچیلر و موتردارلردن زورغه پول آلیشه‌دی. بیزلر بو توغریده سیسی‌میزنی چیقاردیک و ایتدیک که بوگون انسجام کینگشی نامیده کانتینر قویگنلر، ایرته باشقه بیری نی آتی گه کانتینرلر قویه‌دیلر. بو فساد گه باعث بوله‌دی. انسجام کینگشی سیزلرگه همکارلیک قیله‌میز دیب سیس چیقاره‌دی. یول قوریب و خدمات عرضه قیله‌میز دیدی. خدمات عرضه قیلیش فواید عامه وزیرلیگی نینگ ایشی دیر.»

بیراق افغانستان ییر ترانسپورت انسجام کینگش باشلیغی طلامحمد اتمانزی نینگ ایتیشیچه، بو کینگش نینگ فعالیتی قانونی دیر و گرچند اولر هر آی موتردارلردن پول توپله‌یدی، بیراق بو پول نینگ کوپ بولیمی کیره‌ک بولگنده، اولرگه قیته بیریله‌دی.

بیزلرنینگ توییترده هم تعقیب قیلینگ! 

اونینگ کوپه‌یتیریشیچه: «بیزلرنینگ حساب و کتابی‌میز بار. بیزلر موتردالر بیلن بیمه شکلده ایش قیله‌میز و هر آی ۱۰۰ الی ۵۰۰ افغانی آله‌میز و بو پول ایسه تنیق شکلده توپلنه‌دی. اولرگه دفتر قوردیک معاش آله‌دیلر، کسل‌لر و شهیدلرنی اوی‌لریگه ییتیشتیره‌دیلر.»

بو بیرینچی مرته ایمس که ترانسپورتی و یوک تاشووچی شرکتلر مملکت قتناویوللریده باج آلیشدن تنقید قیله‌دی. امنیتی نهادلر قتناویوللرده باج آلیش کمه‌یگنی توغریسیده هردایم بیانات بیرگن بیرحالده، بیراق کورینیشچه عمل گه هیچ قنده‌ی ایش بولمه‌گن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام