خلق‌ارا اقتصاد مجمعهسی، جنسیتی نابرابرلیک خصوصیده ینگی گزارشینی ترقه‌تدی. خلق‌ارا اقتصاد مجمعهسی نینگ گزارشی ده کیلیشیچه، محافظه کار و ایرکک‌لر حاکم بولگن جامعه ده خاتین قیزلر اوچون مناسب فرصت یوق‌لیگی باعث، افغانستان جنسیتی نابرابرلیک نقطه‌ی نظردن اینگ قویی درجه ده قرار تاپگن.
خلق‌ارا اقتصاد مجمعهسی ۲۰۲۲_ ییل ده اقتصادی مشارکت، تعلیم، ساغلیک و خاتین قیزلر نینگ سیاسی ساحه ده‌گی فعالیت‌لرینی تیکشیرگن.
مذکور نهاد خاتین قیزلر وضعیتیدن خواطر بیلدیریب ایتیشیچه، جنسیتی برابرلیک اوچون ۱۳۲_ییل زمان گه نیاز دیر.
خلق‌ارا اقتصاد مجمعهسی نینگ گزارشیده کیلیشیچه: «دنیا بویلب بحران‌لر وخیم بولیشی بیلن، ایش محیطی ده عیاللر کوپراق زیان کوریشه‌دی و دنیا ده جنسیتی برابرلیک کمه‌یش خطری سیزیله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، خلق‌ارا اقتصاد مجمعهسی اسلامی امارت حاکمیتی آستیده خاتین قیزلر نینگ احوالی دن خواطر بیلدیره‌دی، بیراق اسلامی امارت سرپرست حکومت نینگ ایشانچی گه کوره، خاتین قیزلر شامل مملکت بوتون خلقی اساسی حقوقلری گه قول تاپگنلر.
اسلامی امارت سوزلاوچیسی نینگ اورین باسری بلال کریمی نینگ سلام‌وطندار گه ایتیشیچه، خاتین قیزلر جامعه نینگ ایریم ساحه‌لریده کوزگه کورینرلی درجه ده فعالیت قیلماقده‌لر.
بلال کریمی گه کوره: «مملکتی‌میزده بوتون وطنداش‌لر اوز حقوقلری گه قول تاپگنلر، اسلامی امارت موجود کمچیلیکلرنی اسلام و مملکت کلتوری قانون_قاعده‌لری اساسیده حل قیلیش مقصدیده سعی و حرکت قیلماقده.»
باشقه تاماندن عیال حقوقی فعالی زرقا یفتلی نینگ سلام‌وطندار گه ایتیشیچه، اسلامی امارت حاکمیتیدن کیین، خاتین قیزلر سیاسی مشارکت، تعلیم و شونینگدیک ایش حقیدن محروم ایتیلیشی باعث جنسیتی نابرابرلیک کوپه‌یگن دیر. اونینگ ایتیشیچه: «جامعه ده جنسیتی نابرابرلیک، عیاللر نینگ چیتده قالیش‌لری گه سبب بوله‌دی، عیاللردن فرصت‌لر آلینگن و نهایت خاتین قیزلر، چیتده قالگنلر کبی قالیش‌نی ایسته‌یدیلر.»
بیزلرنینگ توییترده هم تعقیب قیلینگ!
صوتی میدیا خبرچی‌لریدن بولمیش راحله یوسفی، جامعه ده‌گی قیینچیلیکلر خصوصیده ایتیشیچه، جامعه نینگ مردسالارلیگی باعث میدیا ایشلرنی قیینچیلیک بیلن آلغه آلیب بارماقده، عین حالده عایله‌سی یالغیز اونینگ اوقیمیشلی بولیشینی اویله‌یدیلر.
خبرچی راحله یوسفی نینگ ایتیشیچه: «آلتینچی صنف بولگنیمدن بویان عایله‌م نینگ قرشی‌لیگی بیلن روپه‌ره من، آلتینچی صنف گچه اوقیدینگ سیزلر اوچون ییترلی و قیزلر نینگ آلتینچی صنف دن یوقاری اوقیش‌لری لازم ایمس دییشه‌دی.»
عین‌حالده، افغانستان دنیا بویلب جنسیتی نابرابرلیک نقطه‌ی نظردن اینگ قویی درجه ده قرار آلگن که، اسلامی امارت حاکمیتیدن سونگ خاتین قیزلر گه ایریم چیکلاولر یره‌تیلدی. عیاللر سیاست ساحه‌سیدن چیتلنتیریلدی. آلتینچی صنف دن یوقاری قیزلرنینگ مکتب باریش گه رخصت بیریلمه‌دی و حجاب نی رعایت قیلیش هم جبری اعلام بولگن.