بیرلشگن ملت‌لر تشکیلاتی انسان حقلری شوراسی ۱۴ ینگی عضوینی تنله‌دی. افغانستان اوشبو شورا عضویتی اوچون نامزد ایدی، بیراق اوتگن کونگی سیلاو گه ییترلی آواز آلالمه‌‌دی.
افغانستان ده مشروع حکومت یوق‌لیگی و قیین اته‌لگن اوشبو رقابت ده، افغانستان بنگله‌دیش، مالدیو، ویتنام و قیرغیزستان برابری ده ۱۲ آواز آلیش بیلن مغلوب بولدی.
افغانستان ده اسلامی امارت حاکمیتیده انسان حقلری رعایت ایتیلمسلیگی خصوصیده ایریم گزارش‌لر ترقه‌لیشیدن سونگ، افغانستان بیرلشگن ملت‌لر تشکیلاتی انسان حقلری شوراسی گه یول تاپمه‌گن.
بیزلرنینگ فیسبوک صحیفه‌میزگه باش اورینگ!
عیاللر نینگ شخصی و اجتماعی حقوقی چیکله‌نیشی اینیقسه اولر گه تعلیم و ایش حقی بیریلمسلیگی و آلتینچی صنف دن یوقاری قیزلرگه مکتب باریش رخصتی بیریلمسلیگی، اسلامی امارت دنیا جماعه‌چیلیگی تامانیدن انسان حقلرینی نقض ایتیش گه عیبلنگن موردلردن عبارت دیر.
افغانستان بویلب انسان حقلری نقض ایتیلماقده ایکن، اوشبو مملکت بیرلشگن ملت‌لر تشکیلاتی انسان حقلری شوراسی عضویتینی کسب ایته آلمسلیک، ایریم خواطرلیکلر گه سبب بولگن.
انسان حقلری شوراسیده افغانستان نینگ سابق حکومت نماینده‌سی نصیراحمد اندیشه، اوشبو شورا ده افغانستان نینگ چوکیسی سقله‌نیشینی مهم دیگن ایدی.
شونینگدیک منطقه‌ای استراتیژیک مطالعه‌لر تدقیقاتچیسی مظاهر رئیس‌زاده نینگ ایتیشیچه، افغانستان انسان حقلری شوراسی عضویتینی کسب ایته آلمسلیک، مذکور مملکتده انسان حقلری ایاغ آستی بولیشی و خاتین قیزلر نینگ احوالی یامانله‌نیشیگه سبب بوله‌دی.
بیزلرنینگ توییترده هم تعقیب قیلینگ!
شو بیلن بیرگه، انسان حقلرینی کوزه‌تووچی تشکیلات نینگ خاتین قیزلر بولیمی مدیری نینگ اورین باسری هیدر بار، افغانستان ده‌گی انسان حقلری احوالینی خواطرلی دیب، انسان حقلری شوراسی نینگ ینگی اعضالری افغانستان برابری ده بی فرق بولمسلیکلرینی سوره‌یدی. «انسان حقلری شوراسی، کیینگی ییغین‌لریده عملی حرکت قیلسین‌لر جمله دن جواب قیتیریش اوچون ینگی میکانیزم ایجاد ایتیش دیر.»
شونینگدیک او، اسلامی امارت نینگ ایشلری گه بناً، افغانستان ده انسان حقلری وضعیتی خصوصیده قضاوت بولیشینی سوره‌گن.
عین‌حالده، افغانستان اوچون بیرلشگن ملت‌لر تشکیلاتی انسان حقلری مخصوص گزارش‌گری ریچارد بنت، افغانستان ده انسان حقلری وضعیتینی کوزه‌تیب و اسلامی امارت رسمی‌لری بیلن اوچره‌شماقده دیر.