تیموری‌لر امپراتورلیگی اساسچی‌سی امیر تیمور کوره‌گان، افغانستان استراتیژیک تدقیقات‌لر انستیتوتی تامانیدن اهانت بولیشیدن کیین، افغانستان‌لیک بیر قطار اوزبیک فعاللری و کدرلری ایران اسلامی جمهوریتی گه آچیق بیر مکتوب یوللب، بو مملکت ده افغانستان استراتیژیک تدقیقات‌لر انستیتوتی تامانیدن امیر تیمور نینگ اهانت قیلیش بیلن یولگه قوییله‌دیگن ادبی ییغیلیش گه توسیق بولیشینی سوره‌گنلر.
اوشبو مکتوب ده ایران مرکزی تهران ده کیله‌سی هفته ۲۶-جدی، سه‌شنبه کونی، افغانستان استراتیژیک تدقیقات‌لر انستیتوتی تامانیدن «هرات کیچه‌سی» عنوانی آستیده یولگه قوییله‌دیگن بو ادبی ییغیلیش ده تانیشتیریلیشی کوتیلگن کتاب، فارسچه ده ناتوغری ترجمه بولگن دیب و بوتوغریده جدی بیر تیکشیروو اوتکزیلیشی اوستیگه تاکید ایتیلگن.
بیزلرنینگ فیسبوک صحیفه‌میزگه باش اورینگ!
افغانستان تورک‌لری نخبه‌لری نینگ بو آچیق مکتوبی ده، افغانستان ده‌گی اوزبیک و تورکمن‌لر ییل‌لردن بویان محرومیت گه سقله‌نیب کیلیشی گه اشاره قیلینیب، بو ملیت‌لر نینگ ینگی نسلی اولر دن آلینگن مسلم حقلرینی قیته آلیش اوچون ایران دولتی دن بوتوغریده اولرنی قوللب-قوتلشینی طلب قیلگنلر.
بونگه قوشیمچه، اولوس اجتماعی جمغرمه‌سی هم بیر مکتوب ترقه‌تیب برچه تورک دولت‌لری نینگ فعال‌لریدن بیرلیک ده قرشی‌لیک بیلدیریب، تورک‌لر نینگ ارزش‌لری گه اهانت قیلگن کیشی‌لر و نهادلر تورک مملکت‌لری تامانیدن تحریم بولیشی و بونده‌ی کیشی‌لر تورک مملکت‌لری گه کیریش‌لری تقیق‌لنیشی تکلیف ایتیلگن.
بیزلرنینگ «ایکس» ترماغی ده هم تعقیب قیلینگ!
افغانستان استراتیژیک تدقیقات‌لر انستیتوتی تامانیدن «هرات کیچه‌سی» عنوانی آستیده یولگه قوییلیشی کوتیلگن ادبی ییغیلیش بنری ده، صاحب‌قرآن امیر تیمور نینگ لنگ (آقساق) دیب یازیلیشی، افغانستان اوزبیک‌لری نینگ قرشی‌لیگی بیلن دوچ بولیب و اولر اجتماعی ترماق‌لر ده اوز ناراضی‌لیکلرینی بیلدیرگنلر.
ایتیش کیره‌ک، هرات تاریخی حقیده یازیلگن کتاب اصلی ده هندوستان‌لیک ماهِندرا راجا قلمی گه منسوب دیر و کیین ایسه بو کتاب فارسچه ده ترجمه بولگن.
