افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی (یوناما) و بیرلشگن ملت‌لر تشکیلاتی نینگ افغانستانده‌گی انسان حق‌لری کمیسیونی دفتری ینگی گزارشده ایتیشیچه، افغانستان نینگ عدلی نظامی عیاللرگه قرشی جنایی زوروانلیک بولیمیده خاتین-قیزلر برابریده عدالت نی تأمین قیلیش گه موفق بولمه‌گن.
اوشبو گزارش «خاتین-قیزلر گه قرشی زوروانلیک و جنایت‌لرده عدالت نی قیدیریش، عدلی نظام نینگ جوابی و قربان لر خساره‌سینی جبران قیلیش» آتی آستیده بولیب و میلادی ۲۰۱۸- ییل سپتامبر آیی دن میلادی ۲۰۲۰- ییل فبروری آیی گچه عیاللر گه قرشی زوروانلیک قضیه‌لر تیکیشیریلگن.
بیرلشگن ملت‌لر تشکیلاتی نینگ افغانستانده‌گی نماینده‌سی دیبرا لاینز گه کوره، کوپینچه خاتین-قیزلر زوروانلیک گه قرشی عدالت نی تجربه قیلمه‌گنلر.
یوناما تامانیدن ترقه‌تیلگن گزارش گه کوره، عیاللرگه قرشی زوروانلیک قضیه‌لر نینگ ۵۰ فایزی ابتدایی محکمه گه یوباریلگن و مذکور رقمدن ۴۰ فایزی نینگ عاملی محکوم ایتیلگن.
یوناما اوشبو گزارشیده، عیاللرگه قرشی زوروانلیک قضیه‌لری اینیقسه باله‌لر تورموش گه چیقیش قضیه‌سی تیکشیریلمه‌گنیدن خواطر بیلدیرگن.
اوشبو گزارش گه کوره، قطار عیاللر زوروانلیک قضیه‌سی یوزبیرگنیدن کیین، خودکش‌لیک قیله‌دی یا-ده هم اوزینی اوت بیره‌دیلر. اوشبو عیاللر، عدلی و قضائی نهادلر قوتقریش یولینی کورستیش ده قادر بولمگنی نی توشونه‌دیلر.
یوناما دفتری تامانیدن ترقه‌تیلگن گزارشده، عیاللر «اویدن قاچیش‌لری» جنسی زوروانلیک و عیاللر محبوس ده قالیشی خصوصیده هم اشاره ایتیلگن.
یوناما انسان حق‌لری بولیمی نینگ باشلیغی فیونا فریزر گه کوره، عدلی نظام نیچه مرته قربان بولگن‌لردن نماینده‌لیک قیلیش اورنیگه اولرنی قربانلیک قیلگن. اونینگ سوزی گه کوره، خاتین-قیزلر عدالت گه قول تاپیشی اوچون جدی صورتده تلاش قیلیش لازم.
یوناما، عیاللرگه قرشی زوروانلیک‌لرنی یوق ایتیش اوچون ۱۶ کون‌لیک کمپاین باشلتگن.
