اوتگن کون چهارشنبه ۲۵- نوامبر اقتصاد و تینچلیک انستیتوتی تامانیدن نشر ایتیلگن ترورچیلیک خلق‌ارا شاخصی نینگ ینگی بیر گزارشی اساسیده، میلادی ۲۰۱۹- ییل افغانستان ده ترورچیلیک قربانیلری نینگ رقمی کمه‌یگن بیرحالده هم، مذکور مملکت حاضر باشقه مملکت‌لرگه نسبتن ترورچیلیککه کوپینچه قربانی بیرگن.
مذکور گزارش اساسیده، ۱۰ مملکتده یوزبیرگن ۸۰ فایز ترورچیلیک هجوم‌لردن ۴۱ فایزی افغانستان ده یوزبیرگن.
گزارش گه کیلیشیچه، ۲۰۱۹- ییل ده ۱۳ مینگ و ۸۲۶ کیشی ترورچیلیککه قربان بولگن کیم بولردن ۵ مینگ و ۷۲۵ ته‌سی افغانستان گه تیگیشلی دیر. شونینگدیک دنیا ده ۲۰ قانلی ترورچیلیک هجوم دن ۷ ته‌سی افغانستان ده یوزبیرگن.
بو گزارش اساسیده، اوتگن ییل افغانستان ده ترورچیلیک هجوملرنینگ قربانیلر رقمی کمه‌یگن و ۲۰۱۸- ییل گه قره‌گنده ۲۲ فایز (۱۶۵۴ کیشی) کمه‌یگن.
ترورچیلیک خلق‌ارا شاخصی اساسیده، طالبان دنیا بوییچه اینگ هلاکتلی گروه تانیلگن. ۲۰۱۹- ییل ده افغانستان ده اینگ هلاکتلی هجوم طالبان گروهی آرقه‌لی اویوشتیریلگن.
ترورچیلیک خلق‌ارا شاخصی نینگ کورستیشیچه، افغانستان ده ترورچیلیک باعث هلاک ایتیلگن‌لردن ۸۷ فایزی گه طالبان گروهی مسئول دیر.
اقتصاد و تینچلیک انستیتیوتی نینگ گزارشی گه کیلیشیچه، افغانستان ده ترورچیلیک قربانیلر رقمی کمه‌یگن بیرحالده هم طالبان گروهی مذکور مملکتده اینگ فعال ترورچیلیک گروه دیر. طالبان گه تیگیشلی هجوملر قربانیلری نینگ رقمی ۱۸ فایز کمه‌یگن بیرحالده، مذکور گروه نینگ هجوملری ۶ فایز کوپه‌یگن.
شونینگدیک گزارش گه کیلیشیچه، طالبان ۲۰۱۹- ییل ده ۵۰۸ هجوم اویوشتیریش و ۲۹۰۰ کیشی نی اولدیریش بیلن حربی کوچلر اوستیده‌گی تمرکزی نی سقله‌گن. مذکور ییل ده تینچ‌اهالی نینگ تلفات رقمی ۴۵ فایز کمه‌یگن، بیراق تینچ اهالی گه قرشی طالبان هجومی ۲۵ فایز کوپه‌یگن.
