افغانستان‌ده سونگی سیاسی اوزگریشدن کیین، سابق حربیلردن بیرقطاری تقدیر سیز قالگنلر. مذکور حربیلردن بیرقطاری نینگ سلام‌وطندار گه ایتیشلریچه، اسلامی امارت حاکمیتیدن کیین اقتصادی قیین احوال‌گه قالگنلر.
ننگرهار پولیس قوماندانی سابق سوزلاوچیسی فریدخان، تقدیری نامعلوم و اقتصادی قیینچیلیککه قالگن حربیلردن بیری دیر.
اونگه کوره، خاتینی سرطان گه چلینگن، برچه امکانیتینی خاتینی نینگ دوالَش اوچون صرفله‌گن. او نینگ ایتیشیچه: «اقتصادی احوالیمیز یخشی ایمس، ۹ آی دن بویان بیکارمیز، اوی ده کسلیمیز هم بار، کوپ قیینچیلیک‌لر گه روپه‌ره میز، حاضرگچه هیچ بیر ایش تاپیلگنی یوق.»
بیزلرنینگ فیسبوک صحیفه‌میزگه باش اورینگ!
باشقه تاماندن پکتیا ولایتی ملی پولیس تعلیمی مرکزی نینگ سابق قوماندانی دگروال جمشید احمد نظری نینگ ایتیشیچه، اونینگ اورنیده باشقه بیر مولوی استخدام بولگن. او اقتصادی وضعیتیدن نالیب ایتیشیچه، سونگی سیاسی اوزگریش‌لردن کیین، معاش یا ده یاردم آلمه‌گن. اونگه کوره: «بیز گه کیمسه معاش بیرمه‌یدی، بیزنی عوضی‌میز گه باشقه کیشی‌لر استخدام بولگن، اقتصادی احوالیمیز یامان، حاضر تقدیریمیز نامعلوم.»
شونینگدیک ملی خوفسیزلیک قوماندان‌لریدن بیری اسمی سِر قالیش شرطی بیلن ایتیشیچه، عایله‌سی نینگ نفقه‌سینی تأمینلش اوچون مردکارچیلیک قیله‌دی.
اقتصادی وضعیت حتا سابق ارتش قوماندان‌لریدن بیرقطاری نینگ قیینچیلیککه روپه‌ره قیلگن. افغانستان سابق ارتش ارشد قوماندان‌لریدن بیری آتی سِر قالیش شرطی بیلن سلام‌وطندار گه ایتیشیچه، اقتصای قیینچیلیککه قالگن.
اونگه کوره، امنیت بولیمیده مسلکی و تخصصی تربیه کورگن، او سابق حربی‌لر ایش‌دن بوشه‌تیلیشینی اچینرلی دیدی. سابق ارتش‌ده تقاعده قیلگن حربیلردن بولمیش میاگل خالد نینگ ایتیشیچه، سابق حربی‌لر اقتصادی قیینچیلیکه قوشیمچه، روحی کسللیکه چلینیشگن.
سابق حربی‌لر اسلامی امارت‌دن، مملکت امنیتی اداره‌لریده اولر نینگ جذب قیلیش اوچون شرایط یره‌تیشنی سوره‌یدیلر.
عین‌حالده، حربی ایش بیلرمان‌لردن بیرقطاری نینگ ایتیشلریچه، سابق حربی‌لر افغانستان نینگ سیاستی ده رول‌لری یوق، اسلامی امارت تامانیدن استخدام بولمه‌گن تقدیرده، مجبوریت دن ترورچی گروه‌لر اولردن فایده‌لنیش‌لری ممکن.
بیزلرنینگ توییترده هم تعقیب قیلینگ!
شو بیلن بیرگه، اسلامی امارت سوزلاوچیسی نینگ اورین باسرلریدن بلال کریمی، سابق حربی‌لرنی ایش بیلن تأمینلش اوچون ینگی ریجه نظرگه آلینگنیدن خبر بیره‌دی.
مملکت‌ده‌گی سیاسی سونگی اوزگریشدن کیین، اهالی نینگ اقتصادی وضعیتی کونسه‌یین آغیرلشماقده، اسلامی امارت مسئوللری اوشبو بحران‌نی آلدینی آلیش اوچون ایجابی دستورلر نظرگه آلینگنیدن خبر بیرگنلر؛ بیراق بو ریجه‌لر حاضرگچه ایجابی تاثیر قیلمه‌گن.
