افغانستان سابق شخصیت‌لرینی مملکتده چَقیریش کمیسیونی، اسلامی امارت معادن و پطرولیم وزیرلیگی نینگ سرپرستی شهاب‌الدین دلاور رهبرلیگیده، قریب بیر هفته آلدین؛ ایش‌گه باشله‌دی.
بیراق، اوشبو کمیسیون نینگ تشکیل ایتیلیشی ملی مقاومت عالی کینگشی تامانیدن کیچیک و اهالینی اَلدش عنوان قیلینگن.
مارشال عبدالرشید دوستم نینگ سوزلاوچیسی ومذکور کینگش نینگ اساسچیلریدن بیری احسان نیرو نینگ سلام‌وطندارگه ایتیشیچه، مذکور کمیسیون حاضرگچه اولر بیلن مستقیم رابطه قورمه‌گن.
اونینگ کوپه‌یتیریشیچه، مذکور کمیسیون مملکت برچه سیاسی شخصیتلری بیلن رابطه قوریب مملکت تیزیمی برابریده بولگن قیینچیلیکلرنی حل قیلیشگه قادرایمس.
بیزلرنینگ فیسبوک صحیفه‌میزگه باش اورینگ!
باشقه بیر تاماندن سیاسی ایش بیلرمان طارق فرهادی نینگ ایتیشیچه، مذکور کمیسیون ماهیتی مملکت سابق شخصیتلری بیلن رابطه قوریش اوچون اونملی ایمس و مذکور کمیسیون اسلامی امارت بیلن بیعت قیلیش خصوصیده قوریلگن.
اونگه کوره: « رابطه قوریش کمیسیونی رابطه قوریش بوییچه ماهیت‌گه ایگه ایمس، و سرپرست حکومت اسلامی امارت گه قرشی فکری بار کیشیلر بیلن رابطه قوریش اوچون تیارایمس، اسلامی امارت برچه بیلن بیعت قیلیشنی ایسته‌دی.»
شونده‌ی بیرحالده، رابطه قوریش کمیسیونی افغانستان سابق حربی شخصیتلریدن اونلرچه‌سی بیلن رابطه قورگنیدن خبر بیره‌دی.
مذکور کمیسیون سوزلاوچسی احمدالله وثیق نینگ ایتیشیچه، مملکت سابق سیاسی و حربی لریدن بیرقطاری اولرنینگ سعی و حرکتی باعث مملکتده قیتیش خصوصیده تیارگرلیک کورست‌گنلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه:« مذکور کمیسیون سابق حکومت‌ده‌گی والی‌لر معین‌لر و جنرال‌لر بیلن سوزلشگن و اولردن قطاری مملکتده قَیتیش خصوصیده تیارگرلیک کورست‌گنلر.»
افعانستان نی قوتقریش ملی مقاومت عالی کینگشی بیر اعلامیه ترقه‌تیب، سرپرست حکومت تامانیدن ایجاد ایتیلگن رابطه قوریش کمیسیون نی فریب گرلیک بیر اقدام عنوان قیلگنلر.
مذکور کمیسیون ایجاد ایتیلیشیدن بیر هفته اوتماقده، بیراق یالغیز مملکت سابق سیاسی‌لریدن بیری سید انتظار خادم نینگ مملکتده قیتگنلیگندن خبر بیریلگن.
