افغانستان مرکزی بانکی بوگون بیر خبر ترقه‌تیب اعلام قیلیشیچه، افغانی پول برابریده دالر قیمتینی پس توشیریش اوچون بازارده دالر ترقه‌تیش جریانی دوامیده، قریب ۱۴ میلیون دالرنی لیلام شکلده ساته‌دی.
بیزلرنینگ فیسبوک صحیفه‌میزگه باش اورینگ!
مذکور بانک نینگ خبری اساسیده، اوشبو مقدار پول نینگ ساتیش داوطلبلیگی، ایرته (چهارشنبه، ۱۸ حوت) یولگه قوییلیشی کوتیله‌دی. مرکزی بانک شرایط گه ماس بانک‌لر، پولی خذمت‌لر و صراف‌لردن اوشبو داوطلب لیککه قتنه‌شیش لرینی طلب قیلگن.
اوتگن هفته‌لردن بویان بو نیچه مراتبه دیر که مرکزی بانک ارزی بازارلرگه دالر وارد قیله‌دی. مذکور بانک یکشنبه کونی حوت آیی نینگ ۱۵- ینچی کونی ۱۴ میلیون گه یقین دالرنی بازارلرگه لیلام قیلگن ایدی. اوشبو ایش دن هدف دالربهاسی نی افغانی پول برابریده قویی کیلتیریش دییلگن دیر.
اوتگن اخرگی آیی‌لرده مرکزی بانک کوچ سیز بولیب ارزی بازارلرده دالر عرضه قیله‌آلمه‌گنی سسب افغانی پول بهاسی دالر برابریده قدرسیز بولگن ایدی سونگی کونلرده بیراق افغانی پول بهاسی دالر برابریده کوتاریلگن دیر. حاضر شهزاده سرای که افغانستان نینگ اینگ کتته ارزی بازاریدن بیری حساب‌لنه‌دی، بیر دالر ۸۸ افغانی ساتیله‌دی.
