اسلام امیرلیگی تشقی ایشلر وزیرلیگینینگ اعلام قیلیشیچه، افغانستان، مرکزی آسیا مملکتلری و آذربایجاننینگ تدقیقاتی مرکزلر قوشمه ییغینی، ایرته کابل ده اوتکزیلهدی.
مذکور وزیرلیکنینگ بوگون (۲۵-جوزا، دوشنبه)، بیر بیانیه آرقهلی یازیشیچه، اوشبو ییغینگه اوزبیکستان، تورکمنستان، قزاقستان، قرغیزستان، تاجیکستان و آذربایجان رئیسلری ادارهلریگه تیگیشلی استراتژیک تدقیقات مرکزلرینینگ رهبرلری، تدقیقاتچیلری همده سیاستچیلری شرکت قیلهدی.
تشقی ایشلر وزیرلیگیگه کوره، مذکور ییغینگه شرکت قیلهدیگنلر منطقهای باغلهنیش، برقرارلیک، تجارت، انرژی، ترانزیت، سرمایه یاتقیزیش و اقتصادی همکارلیکلر حقیده صحبت قیلیشلری ممکن.
بیانیه اساسیده، بو ییغینده افغانستان و مرکزی آسیا آرهسیدهگی همکارلیکلر وضعیتی تیکشیریلیب، عملی، تطبیق ایتیلیشی ممکن بولگن و انیق نتیجهگه یونهتیلگن تکلیفلر کورسهتیلیشیگه اعتبار قرهتیلهدی.
اسلام امیرلیگی قدرت گه ایریشگنیدن کیین، مرکزی آسیا مملکتلری بیلن کینگ کولملی علاقهلر قوریب و شونینگدیک آذربایجان بیلن مناسبتینی کوچهیتیریشگه سعیوحرکت قیلگن.
