صناعت وسودا وزیرلیگی سرپرستی نورالدین عزیزی اوتگن کون تاشکینت خلق‌ارا تورتینچی ییغیلیشی یانیده، اۉزبیکستان سرمایه یاتقیزیش، صناعت و سودا وزیری لذیذ قدیروف بیلن اوچره‌شیب، افغان – اۉزبېک امتیازلی سودا شرطنامه امضاله‌گن.
صناعت و سودا وزیرلیگی سۉزلاوچیسی آخوندزاده عبدالسلام جواد گه کوره، افغانستان و اۉزبېکستان اورته‌سیده امتیازلی شرطنامه امضالنیشی، صادرات آشیریلیشی، ایش فرصت‌لری کوپه‌یشی، صناعت کوچلنیشی و اقتصادی دایمی ترقیات گه یول آچیلیشی گه سبب بوله‌دی.
اونینگ کوپه‌یتیریشیچه: «اوشبو شرطنامه‌ده افغانستان و اۉزبېکستان اورته‌سیده امتیازلی سودا کېلیشووی امضالندی. بو تاریخی حجت تعرفه‌لرنی کمه‌یتیریش، سودا توسیق‌لرینی برطرف اېتیش، توارلرنینگ ایککی مملکت بازارلریگه کېریشینی آسانلشتیریش و ایککی تامانلمه سودا درجه‌سینی آشیریش اوچون زمینه یره‌ته‌دی؛ شونینگدیک، اوشبو اوچره‌شووده سودا، صناعت، ایکینچیلیک، لوجیستیک ساحه‌لریده همکارلیک‌نی رواجلنتیریش و ظرفیت‌نی آشیریش مقصدیده افغان – اۉزبېک قۉشمه حرکت ریجه‌سی هم امضالندی.»
بیزلرنینگ فیسبوک صحیفه‌میزگه باش اورینگ!
صناعت و سودا وزیرلیگی سۉزلاوچیسی‌نینگ کوپه‌یتیریشیچه، بو ایککی مملکت اورته‌سیده افغان – اۉزبېک قۉشمه کېلیشووی اقتصادی علاقه‌لرنی مستحکم‌لش، خصوصی بولیمنی قۉللب-قوتلش، سرمایه یاتقیزووچیلرنی ترغیب قیلیش و منطقه‌وی تجارت دایمی ترقیاتی حسابلنه‌دی.
اقتصادی بیلرمانلرنینگ ایشانچی گه کوره، افغانستان و اۉزبېکستان اورته‌سیده امتیازلی تجارت، ایککی تامان اورته‌سیده سودا تعرفه‌لری یوق بولیشیگه یاردم بیریب و ایککی مملکت بازارلری گه قولی‌لیک بیلن یول تاپیش امکانیتینی یره‌ته‌دی.
اقتصادی ایش بیلرمان قیس محمدی‌نینگ ایتیشیچه: «هر سفر ایککی مملکت اورته‌سیده امتیازلی سودا کېلیشووی امضالنسه، بو ایککی دولت اۉز ارا سودانی آسانلشتیریش گه آخرگی حرکتلرنی قیله‌یاتگنینی انگلته‌دی. بو کېلیشوو آرقه‌لی امکانیت‌لر سودا ساحه‌سیده بیر – بیریگه اوستونلیک بیره‌دی.»
بیزلرنینگ «ایکس» ترماغی ده هم تعقیب قیلینگ!
اقتصادی بیلرمانلر، افغان – اۉزبېک قۉشمه کېلیشووی افغانستان‌ده صناعت، سودا و ایکینچیلیک ترقیاتی گه سبب بوله‌دی دیب، ایشانه‌دیلر.
اسلام امیرلیگی صناعت وسودا وزیرلیگی سرپرستی نورالدین عزیزی، تاشکینت خلق‌ارا تورتینچی ییغیلیشی یانیده، اۉبېکستان جمهور باشلیغی شوکت میرضیایف بیلن اوچره‌شیب و ایککی تامانلمه همکارلیک‌لرنی مستحکم‌لش مسئله‌سی حقیده بحث اېتگن.
صناعت و سودا وزیرلیگی گه کوره، بو اوچره‌شووده تامانلر سودا، اقتصادیات، ترانزیت، لوجیستیک، برق، ایکینچیلیک و کانلرنی قازیب چیقریش بوییچه همکارلیک‌لرینی آشیریش مسئله‌سی حقیده بحث اېتگنلر.
