اسلامی امارت سوزلاوچیسی ذبیح‌الله مجاهد ترکیه ده یولگه قوییلگن سابق سیاسی رهبرلر ییغینی گه تیگیشلی سلام‌وطندار گه ایتیشیچه، اوشبو ییغین‌لر افغانستان تینچ‌لیگی اوچون یولگه قوییلگن بولسه، اوندن خوش قرشی له‌یدیلر، بیراق افغانستان ثبات‌سیزلیگی اوچون بولگن صورت‌ده، اونگه قرشی توخته‌یشلری ممکن.
مجاهد نینگ کوپه‌یتیریشیچه: «بیزلر هم مملکت‌دن تشقی گه کیتگن کیشی‌لر بیلن علاقه‌لریمیز نی کوچلنتیریش ایسته‌یمیز، اوشبو ییغین‌لر فتنه اوچون بولگن صورت‌ده، افغانستان اهالی‌سی اونگه رخصت بیرمه‌ی و اونینگ برابریده توخته‌یشلری ممکن.»
بیزلرنینگ فیسبوک صحیفه‌میزگه باش اورینگ!
سه‌شنبه کیچه افغانستان سیاسی رهبرلریدن قطاری ترکیه مملکتی انقره شهریده «افغانستان نینگ قوتقریش اوچون ملی مقاومت عالی کینگشی» نامی آستیده توپلنیب، افغانستان وضعیتی خصوصیده قرار آلیش نی ایسته‌گنلر.
افغانستان نینگ قوتقریش اوچون ملی مقاومت عالی کینگش اعضاسی ینگی‌لیکده ایجاد بولیب و بیر اعلامیه ترقه‌تیب، اسلامی امارت برابریده مقاومت نی مشروع دیب و ایتگنلر که، اسلامی امارت نینگ دوام تاپیشی بشری وضعیت نینگ بوزیلیشی، مخدره ماده نینگ قاچاقی، مهاجرت‌لر نینگ کوپه‌یشی و افغانستان نینگ ترورچیک میدانی گه اوزگریشی ممکن.
شونینگدیک اعلامیه نینگ بیر بولیمیده اسلامی امارت‌دن، افغانستان قیین‌چیلیکلری نی حل قیلیش اوچون اولر بیلن اوچره‌شوو گه حاضر بولیشلری سوره‌لگن. افغانستان اسلامی ملی جنبش سوزلاوچیسی احسان نیرو نینگ سلام‌وطندار گه ایتیشیچه، اوشبو ییغین افغانستان نینگ حاضرگی وضعیتی‌دن چیقیشی اوچون یولگه قوییلگن.
اونینگ کوپه‌یتیریشیچه: «اوشبو ییغین گه شرکت قیلگنلر مثبت بیر فکر و مثبت طرح‌لر بیلن افغانستان‌ده‌گی موجود قیین‌چیلیک‌دن چیقیش اوچون بحث و صحبت قیلگنلر.»
بیزلرنینگ توییترده هم تعقیب قیلینگ!
شونده‌ی بیرحالده، سیاسی ایش بیلرمان‌لردن نورشاه نورانی و حمید‌الله هونک نینگ ایتیش‌لریچه، افغانستان قیین‌چیلیگی نی حل قیلیش اوچون ایکی تامان اوچره‌شوو آرقه‌لی ایجابی بیر نتیجه گه قول تاپیش‌لری کیره‌ک. اولر نینگ کوپه‌یتیریشلریچه، اسلامی امارت افغانستان نی قوتقریش اوچون عالی مقاومت کینگشی بیلن مذاکره قیلیش زمینه‌سی نی فراهم قیلیشی کیره‌ک.
شونده‌ی بیرحالده، حاضرگچه نیچه جبهه اسلامی امارت گه قرشی مملکت‌ده فعالیت‌لری نی بیلدیرگنلر. ایتیلیشچه، سه‌شنبه کیچه ییغین گه اشتراک قیلگنلر، کیله‌جکلرده هم اوشبو ییغین‌لر نینگ دوام تاپیشی ممکن دیگنلر.