افغانستانده اسلامی امارت حاکم بولمسدن آلدین هندوستان‌گه سفر قیلگن بیرقطار افغانستانلیکلر اوشبو مملکتده بند قالگنلر. اولرنینگ ایتیش‌لریچه، یمان وضعیتده حیات کیچیره‌دیلر و افغانستان‌گه قیتیش‌نی ایسته‌یدیلر، بیراق پروازلر یوق‌لیگی باعث، قیته آلمه‌یدیلر.
بیزلرنینگ فیسبوک صحیفه‌میزگه باش اورینگ!
افغانستان نینگ هندوستانده بند قالگن یشاوچی‌لریدن افسرخان جبارخیل و ایمل نینگ ایتیشیچه، جدی قیین‌چیلیکلر بیلن روپه‌ره بولگنلر و بو وضعیت نینگ دوامی خواطرلنترووچی دیر.
شونینگدیک، افغانستان نینگ هندوستانده بولگن یشاوچی‌لریدن باشقه بیری مرضیه موسوی نینگ ایتیشیچه، نیچه مرته افغانستان نینگ هندوستانده‌گی ایلچی‌لیگی و اوشبو مملکت تشقی ایش‌لر وزیرلیگی گه مراجعت قیلگنلر و افغانستان‌گه قیتیش‌نی ایسته‌گنلر، لیکن مذکور نهادلر بوتوغریده دقت قیلمه‌گن.
افغانستان نینگ هندوستانده بولگن یشاوچی‌لری نماینده‌سی سید فرهاد سادات نینگ ایتیشیچه، ۲ آی آلدین ۱ مینگ‌دن آرتیق کیشی افغانستاندن هندوستان‌گه کیلگن و حاضرده اوز مملکت‌لریگه قیتیش‌نی ایسته‌یدیلر. اونینگ ایتیشیچه، افغانستان نینگ هندوستانده‌گی ایلچی‌لیگی بوتون حجت‌لرنی آلگن، لیکن حاضرگه‌قدر اولرنینگ اوز مملکت‌لریگه قیتیش‌لری اوچون زمینه یرهتمهگن.
بوتوغریده اسلامی امارت تشقی ایش‌لر وزیرلیگی فکرینی آلیش اوچون سعی و حرکت قیلدیک، لیکن موفق بولمه‌دیک.
بیزلرنینگ فیسبوک صحیفه‌میزگه باش اورینگ!
جاری ییل ۲۴ اسد ده اسلامی امارت افغانستان‌گه حاکم بولگنیدن سونک، کابل قونالغه‌سی تینچ اهالی و عادی یشاوچی‌لر یوزیگه باغلنگن.