بامیان ولایتی حاکمی نینگ مطبوعاتی دفتری، اسلامی امارت معارف وزیرلیگی نینگ سرپرستی نورالله منیر اوشبو ولایت گه سفر قیلگنیدن خبر بیرگن. اوشبو دفتر بیر خبرنامه ترقه‌تیب، جناب منیر نینگ بامیان گه قیلگن سفری‌دن مقصد، مذکور ولایت معارف قیینچیلیکلرینی تیکشیریش و حل قیلیش عنوان قیلگن.
خبرنامه‌ده اسلامی امارت معارف وزیرلیگی نینگ سرپرستی‌دن نقل قیلینیب یازیلیشیچه: «بامیان‌ده معلم، کتاب و باشقه درسلیک امکانیت آزلیگینی تیزلیک بیلن حل قیلیب و اوشبو ولایت معارف قیینچیلیکلرینی اساسی روشده تیکشیریش اوچون تلاش قیله‌میز.»
بیزلرنینگ فیسبوک صحیفه‌میزگه باش اورینگ!
خبرنامه اساسیده، نورالله منیر معارف‌نی مملکت نینگ اساسی و ستونی عنوان قیلیب ایتیشیچه، مملکت بویلب اینیقسه محروم ولایت‌لر نینگ تعلیم و تربیه بوییچه مشکلات‌لرینی اساسی روشده حل قیلیش مقصد تلاش قیلماقده‌لر.
بامیان حاکمی مطبوعاتی دفتری، اوشبو ولایت نینگ والیسی عبدالله سرحدی‌دن نقل قیلیب یازیشیچه، جناب سرحدی اسلامی امارت معارف وزیرلیگی نینگ سرپرستی بیلن اوچره‌شیب، بامیان بویلب مکتب‌لر و بیلیم یورت ایشیگی، قیز و اوغیل باله‌لر یوزی گه آچیقلیگینی بیلدیرگن.
بامیان حاکمی اوشبو اوچره‌شووده، اسلامی امارت معارف رهبریتی‌دن، مذکور ولایت نینگ معارف بوییچه قیینچیلیکلری حل ایتیلیشی و اوشبو ولایتده درسلیک صفتینی آشیریش خصوصیده دقت قیلینیشینی طلب قیلگن.
اسلامی امارت معارف وزیرلیگی نینگ سرپرستی عین‌حالده بامیان گه سفر قیلگن که، قریب بیر آی آلدین، اوشبو ولایت معارف ریاستی نینگ بوتون ایشلاوچیلری، بامیان حاکمی عبدالله سرحدی عنوانی‌ده شکایت نامه یوللب، مذکور ولایت معارف باشلیغی نینگ حقارتلی و تبعیضلی مناسبتیدن شکات قیلیب اعتراض قیلگن ایدیلر. اعتراض بیلدیرگن ملازم‌لر نینگ شکایت نامه‌سیده کیلیشیچه، بامیان معارف رئیسی اسلام‌الدین عثمانی، اوشبو ریاست نینگ اوچینچی و تورتینچی حتی موتر هیداوچیلرینی وظیفه‌دن برطرف قیلگن.
بیزلرنینگ توییترده هم تعقیب قیلینگ!
بامیان مملکت بویلب تعلیم و تربیه بولیمیده ییتکچی ولایت‌لردن سنله‌دی که سابق دولت نینگ معلوماتی اساسیده، اوشبو ولایت بویلب ۱۴۰ مینگ اوقووچی تعلیم و تربیه بوییچه شغلنماقده‌لر ، اولر ارا ۴۶ فایزینی قیزلر تشکیل بیره‌دی. بیراق سونگی سیاسی اوزگریش و اسلامی امارت حاکمیت گه ایریشیدن کیین، اوقووچیلردن نیچه فایزی قشاق‌لیک، آچلیک، ایش‌سیزلیک و چیکلاولر باعث اورگه‌تیش مرکزلرنی ترک ایتگن‌لری انیق ایمس دیر.