ملی مصالحه کینگشی باشلیغی عبدالله عبدالله، مکتب نینگ بیرینچی صنفدن باشلب اوچینچی صنف گه‌قدر اوقووچی‌لری نینگ مسجدلرگه تعلیم کوریش‌لری خصوصیده آلینگن قرارنی ناتوغری عنوان قیلگن. اونینگ معارف وزیرلیگی قراریگه قرشی ایتیشیچه، بو قرار ناتوغری دیر و ناتوغری‌لیگی اوچون اونلرچه دلیل بار.
بوگون “دوشنبه” جناب عبدالله نینگ کابلده «تینچلیک ملی ییغینی» نامیده یولگه قوییلگن ییغینده ایتیشیچه، معارف وزیرلیگی نینگ بو قرارینی میدیالردن خبر بولگن و حاضرگه‌قدر حیران دیر.
ملی مصالحه کینگشی باشلیغی نینگ کوپه‌یتیریشیچه، حکومت نینگ کونده‌لیک ایش‌لریگه دخالت قیلیش‌گه تعهدلی دیر، بیراق بونده‌ی قرارلر حکومت نینگ کونده‌لیک ایشی ایمس، بلکیم کته بیر قرار دیر.
جناب عبدالله نینگ ایتیشیچه، اسلامی تعلیمات اورین باسرلیگی، ریاست گه اوزگرگن، بیراق اونینگ کوچلی بولیشی کیره‌ک ایدی.
ملی مصالحه کینگشی نینگ دینی مدرسه‌لر و مسجدلرنینگ اهمیتی خصوصیده ایتیشیچه، مدرسه‌لرده لازم امکانیت یوق و دین عالم‌لر فرزندلرینی دینی تعلیم بیره‌دی، بیراق مکتب باریش‌گه تشویق قیله‌دیلر.
ایکی کون آلدین معارف وزیرلیگی بیر اعلامیه آرقه‌لی، مکتب‌لرنینگ ۱- صنفدن باشلب ۳- صنف گه‌قدر اوقووچی‌لری نینگ مسجدلرگه تعلیم کوریشیدن خبر بیرگن ایدی.
معارف وزیرلیگی نینگ اوشبو قراری اجتماعی ترماقلر فعال‌لری نینگ جدی واکنش‌لری بیلن روپه‌ره بولگن.
اجتماعی ترماقلر ایشلاوچی‌لریدن بیرقطاری، معارف وزیرلیگی نینگ بو قرارینی مسخره قیلیب و اونینگ یمان کیله‌جگی دن آگاه‌لنتیرگنلر.
جمهورلیک ریاستی هم بو ریجه‌دن ناتوغری برداشت قیلینگنی‌نی بیلدیرگن.
