جاری ییل اپریل آیی‌ده افغانستان تینچلیگی توغریسیده ترکیه ده کتته بیر ییغین یولگه قوییلیشی گه قرار قیلگن کیم مذکور ییغینده افغانستان حکومتی، سیاستچی‌لری، طالبان رهبرلری و قطار مملکتلر نماینده‌لری شرکت قیلیش‌لری ممکن.
عین حالده، مذکور ییغین یولگه قوییلیشی نی بیللی تاریخی اعلام بولمه‌گن، بیراق مصالحه عالی کینگش باشلیغی عبدالله عبدالله رسانه‌لردن بیری بیلن صحبت اوتکزیب ایتیشیچه، افغانستان حکومتی نینگ مذکور ییغین گه شرکت قیلیش اوچون بوتون تیارگرلیگی بار.
مصالحه عالی کینگش باشلیغی گه کوره، ترکیه ده یولگه قوییله‌دیگن افغانستان تینچلیک ییغینی بو مملکت اوچون اونملی دیر.
جناب عبدالله نینگ ایتیشیچه، سیلاو آرقه‌لی جمهوررئیس نی تنله‌ش اوچون اوشنده‌ی که آمریکا نینگ ریجه‌سیده کیلگن، بیرینچی ده مشارکتی بیر دولت تشکیل بولیشی کیره‌ک.
مصالحه عالی کینگش باشلیغی افغانستان دولتی قدرت تقسیم بولیش و مشارکت موضوعی نی رد قیلمه‌گن دیب ایتیشیچه، تینچلیک سوزلشوولری خصوصیده او و جمهوررئیس غنی نینگ آره‌سیده جدی قرمه‌قرشیلیکلر موجود.
شونده‌ی بیرحالده افغانستان تینچلیک پروسه‌سی توغریسیده ترکیه ده یولگه قوییله‌دیگن ییغین کوپ اونملی دییلگن و حکومت نینگ اعلام قیلیشیچه، خاص بیر ریجه بیلن مذکور ییغین گه شرکت قیله‌دی.
