جمهوررئیس ملی خوفسیزلیک مصلحتچیسی حمدالله محب نینگ ایتیشیچه، افغانستان نمایندهلری بو مملکت تینچلیک پروسهسی خصوصیده روسیه و ترکیه میزبانلیگی بیلن یولگه قوییلهدیگن مسکو و استانبول ییغینلریده شرکت قیلهدی.
جناب محب بوگون (شنبه ۲۳- حوت) کابل ده امنیتی رسمیلرنینگ خبری ییغینده ایتیشیچه، افغانستان هیأتی مسکو و ترکیه ده یولگه قوییلهدیگن ایکی تینچلیک ییغینیده شرکت قیلهدی و افغانستان هیأتی ترکیبی توغریسیده بحثلرنی دوامی بار و بو تیزلیککه نهایی بولیشی ممکن.
جمهوررئیس ملی خوفسیزلیک مصلحتچیسی نینگ کوپهیتیریشیچه، تشقی ایشلر وزیرلیگی و ملی مصالحه عالی کینگشی طالبان شامل باشقه شرکتچیلرنینگ سانی نی بیللی قیلیش اوچون حرکت قیلماقده. اونگه کوره، طالبان مذاکرهچی هیأتی بو ییغین گه شرکت قیلگن صورتده، افغانستان تامانیدن هم مذاکره قیلووچی هیأت شرکت قیلیشی ممکن.
مسکو ییغینی نینگ چقیروونامهسی روسیه، چین، آمریکا و پاکستان تامانیدن یوباریلگن کیم بو ییغین ۲۸- حوت ده یولگه قوییلیشی گه قرار قیلینگن.
باشقه بیر تاماندن ترکیه تشقی ایشلر وزیرلیگی نینگ اعلام قیلیشیچه، افغانستان تینچلیک ییغینی دن اپریل آیی ده استانبول شهریده میزبانلیک قیلهدی.