اسلام امیرلیگی سرپرست حکومتی نینگ تشقی ایشلر وزیرلیگی سیاسی اورین‌باسری شیرمحمد عباس استانکزی، رحمان بابا، خوشحال خان و پیرمحمد کاکر مکتبلر اوقووچیلری و شونینگدیک «بایزید روښان» انستیتیوتی طلبه‌لری نینگ فراغت مراسمی‌ده ایتیشیچه، هیچ بیر جمعیت بیلیم‌سیز رواجلنمه‌یدی.
جناب استانکزی، مملکت‌ده تعلیم ارزشی گه تأکید‌لب ایتیشیچه، مملکت‌ده‌گی ۴۰ ییل اوروش نینگ عاقبتی، بیلیم نینگ کم‌لیگی ایدی. او اسلام امیر‌لیگی‌دن تبعیض‌سیز شکلده مملکت‌ده عیاللر و ایرکک‌لر گه تعلیم زمینه‌سی یره‌تیلیب و تبعیض‌سیز شکلده بیلیم درگاه‌لری نینگ برچه یوزیگه آچیلیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
تشقی ایشلر وزیرلیگی سیاسی اورین‌باسری نینگ کوپه‌یتیریشیچه: «تینگری برچه [ایرکک و عیال] گه علم نی فرض قیلگن و تیزلیککه برچه یوزیگه درس و تعلیم ایشیک‌لری آچیلیشی کیره‌ک. مسئوللر هرقنچه تیزراق برچه یوزیگه بیلیم درگاه‌لری نی آچیش اوچون سعی و حرکت قیلسینلر. هر کیم بیلیم درگاه‌لری یاپیق دیب شکایت قیله‌دی.»
شونده‌ی بیرحالده، چیگره، قوم و قبیله‌لر وزیرلیگی سرپرستی نورالله نوری، بیلیم اهمیتی گه تأکید‌لب ایتیشیچه، مملکت‌ده مکتب و مدرسه آره‌سیده فاصله اورته‌دن کیتگن و سرپرست حکومت هر ایکی تعلیمی نهاد گه خذمت ارائه قیلیش اوچون، مساوی شکلده سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
چیگره، قوم و قبیله‌لر وزیرلیگی سرپرستی نینگ کوپه‌یتیریشیچه: «ایکی ییل‌ده مدرسه و مکتب آره‌سیده فاصله اورته‌دن کیتگن و اهالی هر ایکی‌سی گه نیازی بار و افغانستان ده تعلیم سطحی نینگ کوپراق کیفیت‌لی بولیشی کیره‌ک.»
ایتیش کیره‌ک که، رحمان بابا، خوشحال خان و پیرمحمد کاکر مکتب‌لری و شونینگدیک بایزید روښان انستیتیوتی، چیگره، قوم و قبیله‌لر وزیرلیگی دایره‌سیده فعالیت قیله‌دی و مذکور لیسه‌لر اوقووچیلریدن کوپینچه‌سی ایسه چیگره منطقه‌لر یشاوچیلری و کوچی‌لر دیر.
