بیلیم‌لر اکادمیه‌سی، بوگون (چهارشنبه، ۱ سنبله)، کابل ده «خیرالقرون ده عیاللر نینگ رولی» عنوانیده علمی-تحقیقی سیمنار یولگه قویدی. تشقی ایشلر وزیرلیگی نینگ سیاسی معینی شیرمحمد عباس استانکزی گه کوره، اسلام امیرلیگی اوز بقاسی اوچون امانت نی ایگه‌سی گه تاپشیریب، عدالت نی تأمینلب و قیزلر یوزی گه مکتب و بیلیم یورت‌لر ایشیگینی آچیشی کیره‌ک.
استانکزی جنابلری، اسلام امیرلیگی توزوم مستحکم‌لیگی اوچون اساسی قانون نی تصویب قیلیب و اوشبو قانون قاعده‌لری اساسیده حکومتدارلیک ایشلرینی آلغه آلیب باریشینی معلوم قیلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «قرآن و شریعت عیاللر گه تعلیم حقینی بیرگن و قرآن‌کریم نینگ بیرینچی آیه‌سیده اوقیش گه اشاره قیلینگن، عیاللر گه تعلیم و ایش زمینه‌سینی یره‌تیش حاکم‌لر نینگ بورچی دیر.»
شونینگدیک، ملی امتحان‌لر اداره‌سی باشلیغی عبدالباقی حقانی گه کوره، تعلیم و ایشلش خاتین قیزلر نینگ مسلم حقوقی دیر و اسلام مقدس دینی بو حقوق نی اولر گه بیرگن؛ بیراق حاضرگی بی فرق‌لیک باعث حاضرگچه بو قیینچیلیک حل بولمه‌گن.
او نینگ ایتیشیچه: «عیاللر شفاکار، سوداگر و حتا قاضی بولیش حقوقی گه ایگه دیر، بو بیلیم نی بیلیم یورت‌لر ده اورگنه دیلر، اسلام دینی بو حقنی اولرگه بیرگن.»
بیزلرنینگ توییترده هم تعقیب قیلینگ!
ایتیش کیره‌ک که، افغانستان ده اسلام امیرلیگی حاکمیتیدن کیین آلتینچی صنف دن یوقاری قیزلر یوزی گه مکتب‌لر ایشیگی یاپیلیب و کینگ کولمده عیاللر گه چیکلاولر یره‌تیلگن.
