بلخ ولایتی مرکزی مزارشریف شهری ده بوگون (۲۲-جوزا، سه‌شنبه) «مولانا جلال‌الدین محمد بلخی» آتیده عیاللر نینگ قول توقیمه و ایچکی تولیدلر اوچ کونلیک کورگزمه‌سی یولگه قوییلگن.
بلخ ولایتی سودا وسرمایه یاتقیزیش اتاق باشلیغی اسدالله اسدی نینگ اییتشیچه، «مولانا جلال‌الدین محمد بلخی» آتیده یولگه قوییلگن اوشبو اوچ کونلیک کورگزمه، ایچکی تولیدلرنی قۉللب-قوتلش و عیاللر نینگ قول توقیمه‌لری گه بازار قیدیریش مقصدیده یولگه قوییلگن.
بیزلرنینگ فیسبوک صحیفه‌میزگه باش اورینگ!
اسدی گه کوره، خلق‌ارا ایش تشکیلاتی نینگ مالی حمایتی و صناعت و سودا وزیرلیگی تامانیدن یولگه قوییلگن اوشبو کورگزمه ده، عیاللر نینگ قول توقیمه‌لری و ایچکی تولیدلری ۱۳۰ غرفه ده اوچ کونگچه کورگزمه گه قوییلگن.
عین‌حالده، مذکور کورگزمه ده محصولات‌لرینی کورگزمه گه قویگن عیاللر و ایچکی تولید قیلووچیلر بو کورگزمه آچیلیشیدن خورسندلیک بیلدیریب و بو کبی کورگزمه‌لر یولگه قوییلیشینی اېسته‌یدیلر.
متشبث عیاللردن بیری فرشته غلامی نینگ سلام‌وطندار گه ایتیشیچه: «بو کورگزمه محصولاتیمیز گه بازار قیدیریش اوچون اونیملی دیر؛ قتنشگنی‌میزدن خورسندمیز. بو کبی کورگزمه‌لر کوپراق یولگه قوییلیشینی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، صناعت و سودا وزیرلیگی نینگ کورگزمه‌لرنی یولگه قوییش تشکیلات مسئولی محمدخادم عابد، تولید قیلووچیلر قۉللب-قوتلنیشیدن ایشانچ بیلدیریب ایتیشیچه: «سودا و صناعت وزیرلیگی، اوشبو ییل ده ایچکی و خارجی ۵۰ کورگزمه یولگه قوییش گه قرار قیلگن.»
برچه‌سی بیلن، اوشبو کورگزمه ده خلق‌ارا ایش تشکیلاتی مسئولی (ILO) رامین بهزاد، عیال سوداگرلر نینگ بیلیمینی آرتیریش، اولر نینگ سوداگرلیک مهارت‌لری بیلن آشنالیگی و اولر مالی نقطه‌ی نظر دن قۉللب-قوتلنیشی اوچون، سۉنگی اوچ ییل ده چمه‌سی ۱۰ مینگ ایش زمینه‌سینی یره‌تگنلر.
