دنیا اینیقسه افغانستان ده اقلیم انقراضی طفیلی جدی خواطرلر بولگنی بیرحالده، بیراق بلخ ولایتیدهگی یاشلردن قطاری اقلیم اوزگریشلری نتیجهسیده ییتیشهدیگن زیانلر کمهیشی همده اهالیگه یخشیراق و یشیلراق کیلهجک یرهتیلیشی مقصد، بیر قطار عملی اقداملرنی عملگه آشیرگنلر.
مذکور یاشلرنینگ ایتیشلریچه، اقلیم اوزگریشلری بیلن قرشی کورهش مقصد، بلخ ولایتی شولگره تومنیده تاغ و دشت اوسیملیکلری اوروغینینگ سیپیش کمپاینینی باشلهب و بو کمپایننی اوشبو ولایتنینگ باشقه بولیملریده هم کوچهیتیرماقدهلر.
اولرگه کوره، اوشبو کمپایندن اصلی مقصد توپراقنینگ حددن تشقری خراب بولیشی آلدی آلینیشی، اوسیملیک بولگن ساحهلر مستحکملنیشی، اورمانلرنینگ آدیم-آدیم قیته تیکلش و یشیل ساحهلرنی یرهتیش دیر. اوشبو تیم مسئولی حمیدالله انصارینینگ سلاموطندار گه ایتیشیچه: «بو فعالیتنی بیر قطار کونگیللیلر بیلن باشلهدیک. بو بولیمده ایکی برنامهمیز بار. سوو ییتیشتیتریش قیین بولگن تاغنینگ یوقاری بولیملریگه ارچه، تاغلی پسته، تاغلی بادام و قرغنهنی ایکماقچینمیز. قویی قسمتلرگه هم میوهلی و میوهسیز درختلرنی ایکهمیز. بو برنامه توپراق بوزیلیشی آلدینی آلیب، یشیللیک کوچهیشی و ساغلام یشش محیط یرهتیلیشیده یاردم بیره آلهدی.»
باشقه بیر تاماندن، اوشبو کمپاینگه کونگیللی شکلده شرکت قیلگن یاشلردن قطاری، قوروقچیلیک و اقلیم اوزگریشلری طفیلی زیانلرنی، جدی تهدید عنوان قیلیب و یشاوچیلردن بو کمپاینده اولرنینگ همکارلیک قیلیشلرینی سورهگنلر. اوشبو یاشلردن محمد کوهستانینینگ ایتیشیچه: «یشیل بیر محیطگه ایگه بولیشنی ایستهیمیز. اوتگن ییللر جریانیده اورمانلر کیسیلیب و اورتهدن کیتگن. اورمانلر کیسیلیشی سوو تاشقینلر و ییر سیلجیشی، هوا اوزگریشلری و توپراق بوزیلیشیگه سبب بولگن. بو وضعیت اهالیگه قیینچیلیک یرهتگن و اهالیگه قیته یخشی بیر فضانی یرهتیش ایستهیمیز.»
شونینگدیک احمدعلی، مذکور کمپاینگه کونگیللی شرکت قیلگن یاشلردن بیری بولیب و ایتیشیچه: «یشاوچیلردن یشیل ساحهلر کوچهیشی کمپاینی گه یاردم بیریشلرینی ایستهیمیز که نیازی بولگن مملکتنینگ هر بیر منطقهسیگه یشیللیک یرهتیب و اهالی اینیقسه بالهلریمیز اوچون یخشی بیر کیلهجکنی توزهتسک.»
شوندهی بیرحالده، بلخ یشش محیط ایش بیلرمانلریدن قطاری، کونگیللی یاشلرنینگ بو حرکتینی یشش محیطنی سقلش و یشیل ساحهلر کوپهیشی اوچون اجتماعی مشارکت توغریسیده مهم آدیم دیب و اورغولشیچه، بو کبی برنامهلر دوام قیلگنی، برقرار ترقیات، اورمانلر کوچهیشی و طبیعی منبعلرنی سقلشده فایدهلی اورینگه ایگه بولیشی ممکن.
یشش محیط ایش بیلرمانلریدن حبیبالله جعفرینینگ ایتیشیچه: «اوشبو حرکت یاش نسل آرهسیده یخشی بیر فرهنگ اورته گه کیلیشی اوچون سعیوحرکت دیر. باشقه یاشلر هم تشویق بولیسین. دقیق یشش محیط آدرسیدن جدی زیانلر بیلن روپهرهمیز. انه شوو سبب یخشی یشش محیط و هوا نی اورته گه کیلتیره آلیش، نیاز دیر.»
باشقه بیرتاماندن، بلخ یشش محیطنی سقلش ریاستینینگ یشش محیط بوییچه ایش بیلرمان سلطانعزیز اکرمی، بو ولایتده یشیل ساحهلر کوچهیشیگه تاکیدلب و ایتیشیچه: «دنیانینگ ایسیق بولیشی، قوروقچیلیک، سوو تاشقینلر، سوو کمهیشی همده ایکینچیلیک، چاروهچیلیک و ساغلیق بولیملرینینگ زیان کوریشیگه سبب بولگن. اوشبو زیانلر آلدی آلینیشی اوچون بیر قطار برنامهلرنینگ قولگه آلینیشی کیرهک. فایدهلی یوللردن بیری ایسه اورمانلر کوچهیشی و درختلر ایکیلیشی دیر. کوچت و اوسیملیک ایکیش بیلن یشیل ساحهلرنی توزته آلهمیز. بو جریان ایسیقلیک و ساووقلیک کوپهیشی و کوچلی بوران آلدینی آلالهدی همده سوونی جذب قیلیش بیلن، ییر آستی سوولر قوتلنیشی اوچون یخشی بیر منبعنی یرهته آلهدی.»
ایتیش کیرهک که، بوندن آلدین هم اقلیم اوزگریشلری عاقبتی کوچهیشی بیلن مملکت مرکزی و جنوبی ولایتلریدن قطاریده یشاوچیلر آرقهلی یشیل ساحه یرهتیلیشی، توپراق خراب بولیشی کمهیشی و یشش محیط وضعیتی یخشیلنیشی اوچون بو کبی کمپاین یولگه قوییلگن.
