بوگون کابل ده افغان_کوریا فنی و حرفوی انستیتوتی، اوشبو تعلیمی نهاد نینگ فنی بولیمی گه کیریش علاقه‌سی بولگنلر گه تست سیناوی نی یولگه قوییدی. اجتماعی ایشلر وزیرلیگی مسئوللری نینگ حضوری بیلن یولگه قوییلگن اوشبو سیناوده، ۵۵۰ علاقه‌مند‌دن تست سیناو آلینگن.
بیزلرنینگ فیسبوک صحیفه‌میزگه باش اورینگ!
افغان_کوریا فنی و حرفوی انستیتوتی مسئوللری نینگ ایتیش‌لریچه، بو ییل اوشبو نهاد نینگ بیرینچی دوری‌ده ۹۵ کیشی فارغ بولگن دیر و بوگون اوشبو نهاد تامانیدن یولگه قوییلگن شمولیت سیناوده، اوچ بولیم گه ۱۶۵ کیشی نینگ جذب بولیشی خصوصیده قرار آلینگن.
افغان_کوریا تخنیکی و حرفوی انستیتوتی مسئولی غلام فاروق زمانی نینگ ایتیشیچه: «اوشبو سیناو گه شرکت قیلگنلر اوچ بخش گه جذب بوله‌دیلر. کمپیوتر بولیمی‌ده ۶۵ کیشی، انگلیسی بولیم‌ده ۶۰ کیشی و تیکووچیلیک بولیمی‌ده ۴۰ کیشی نینگ جذب بولیشی ممکن.»
بیزلرنینگ توییترده هم تعقیب قیلینگ!
شونده‌ی بیرحالده، اوشبو سیناو گه شرکت قیلگنلر، فارغ بولگنلریدن کیین ایش زمینه‌سی نینگ فراهم بولیشی خصوصیده امید‌وارلیک بیلدیرگنلر. اجتماعی ایشلر وزیرلیگی رسمی‌لری نینگ ایشانچ بیریش‌لریچه، امکانیت کم‌لیگی گه روپه‌ره بولگنلری بیرحالده، ینه هم ییگیت‌لر گه ایش زمینه‌سی نینگ فراهم قیلیش اوچون سعی و حرکت قیلیش‌لری ممکن.
