قوشنی مملکتلردن قاچقینلرنینگ قیتریلیش پروسهسی کوچهیشی بیلن، مملکتگه قیتریلگنلردن قطارینینگ ایتیشلریچه، حیاتلرینی تیکلش اوچون هیچ امکانیتلری یوق. ینگیلیکده ایران و پاکستان دن قیتگن یا-ده چیقریلگن عایلهلردن قطارینینگ ایتیشلریچه، ییللر مهاجرتدن کیین، بوش قول بیلن مملکت گه قیتگنلر.
پاکستان ده ۴۳ ییل حیات کیچیریشدن کیین کابل گه قیتگن یشاوچیلردن بیری عیدمحمد، عایلهسی بیلن بیرگه توغیلگن جایی، بلخ ولایتیگه بارماقچینلر. «هیچ نرسهمیز یوق. بیر ایاغ قویهر کبی هم جاییمیز یوق. بیران کیشیگه تماس آلدیم که کرایی بیران جاینی تاپیب قویسینلر دیب، بیراق کرایی بیر جای هم تاپیلمهیدی. بوش قول بیلن حرکت قیلگنمیز. بیزلرگه بیران ییر، بیران یخشیراق جای بیریشلرینی ایستهیمیز. حاضر هم حتا آزیق-آوقتیمیز یوق.»
بیزلرنینگ فیسبوک صحیفهمیزگه باش اورینگ!
تورت فرزند آتهسی بولمیش عیدمحمدنینگ ایتیشیچه، کون اوتیشی بیلن قاچقینلر برابریده پاکستان حکومتینینگ باسیملری کوپهیشی سبب، افغانستان گه قیتیشگه مجبور بولگن.
شونینگدیک ایران دن قیتریلگن نساءنینگ ایتیشیچه، ۳۰ ییل مهاجرتدن کیین تورموش اورتاغی و اوچ ته کیچیک بالهسی بیلن افغانستان گه قیتگنلر. حاضر او و فرزندلری افغانستان شمالیده جایلشگن تخار ولایتیده بوش بیر اویدن باشقه، عادی بیر حیاتنی باشلش اوچون هیچ قندهی امکانیت، درآمد اوچون منبع و قرینلرینی تویغزیش اوچون بیر لقمه نان گه ایگه ایمسلر.
اونینگ ایتیشیچه: «ایران ده افغانستانلیکلر کوپینچه قیینچیلیکلر بیلن روپهره دیر. بیر اوغری کبی حیات کیچیرهدیلر. حتا نان آلیش اوچون بارگنیمیزده توهین بولهمیز و بیزلرگه نان بیرمهیدیلر. افغانستان ده هم هیچ نرسهمیز یوق. تورموش اورتاغیم ایران ده هم ایکینچیلیک، ایشلاوچیلیک و بنا ایشلرینی قیلهر ایدی. بیزلرنی چیقرگنلریده تورموش اورتاغیمنینگ ایش صاحبی پولینی بیرمهدی و شونینگدیک اوی وسیلهلریمیزنی آلیشگه هم رخصت بیرمهدیلر. حاضر تخار بارماقچینمیز و او ییرده یالغیز بیر اوییمیز بار و باشقه هیچ نرسهمیز یوق.»
اقتصادی قیینچیلیکلر، ایش فرصتلری آزلیگی، باشپنه یوقلیگی و کیلهجک اوچون بیللی برنامه یوقلیگی، مملکت گه قیتریلگنلر برابریدهگی اساسی قیینچیلیکلردن دییلگن.
ینگیلیکده ناروی قاچقینلر کینگشینینگ ایتیشیچه، ایش فرصتلری یوقلیگی، جمعیت گه قوشیلیش اوچون مملکت گه قیتریلگن عایلهلر سرپرستی قابلیتینی قیینچیلیک بیلن روپهره قیلگن. مذکور کینگشگه کوره، برقرار ییچیم یوللر بولمهگنی صورتده، قاچقینلر ینه آوارهلیک خوفی و کوپینچه ثباتسیزلیک بیلن روپهره بولیشلری ممکن.
بیزلرنینگ فیسبوک صحیفهمیزگه باش اورینگ!
شونینگدیک قاچقینلر وزیرلیگی، قیتریلگنلر اوچون برنامهلری توغریسیده هیچ بیر نرسه دیمهی و ایتیشیچه، اوتگن ایکی آیده ۲۰۰مینگدن آرتیق افغانستانلیک مملکت گه قیتگن. مذکور وزیرلیک سوزلاوچیسی عبدالمطلب حقانینینگ ایتیشیچه: «اپریل آییدن ۲۰-میگه قدر ۲۱۵ مینگ ۹۱۵ کیشی قوشنی مملکتلردن افغانستان گه قیتگن. بو مدتده ۴ مینگ ۴۱۴ قاچقین پاکستان قماقخانهلریدن آزاد بولیب و مملکت گه قیتریلگن.»
شوندهی بیرحالده، ناروی قاچقینلر کینگشینینگ ایتیشیچه، ۲۰۲۳-ییل سپتمبر آییدن حاضرگچه، قوشنی مملکتلردن بیر میلیون افغانستانلیک مملکت گه قیتیب و شونینگدیک کیلهسی آیلرده هم، ۶۰۰ مینگ افغانستانلیکنینگ مملکت گه قیتریلیشی ممکن. اوشبو نهادنینگ کوپهیتیریشیچه، حاضر افغانستان آسیا ده ایچکی آوارهلر بحرانینی تجربه قیلماقده و اهالینینگ اینگ ییریک کوچیریش جریانلریدن بیری بیلن روپهره دیر.
