غزنی؛ اوتگن کون شهرلر کیلینی و بوگون ایسه اسلام دنیاسی نینگ پایتختی دیر، بیراق اوشبو ولایت نینگ تاریخی آبده و ساحه‌لریدن قطاری، اونینگ شانلی تاریخی قالدیق‌لریدن دیر که قیته قوریش گه نیازی بار.
غزنی معلومات و مدنیت ریاستی نینگ مدنیت آمری حمید‌الله نثار نینگ ایتشیچه، مذکور ولایت نینگ قدیمی ساحه‌لری و تاریخی اثرلریدن قطاری نینگ قیته توزه‌تیلیش گه نیازی بار. اونگه کوره، معلومات و مدنیت وزیرلیگی نظر گه آلگن صورت‌ده، اوشبو ولایت نینگ ۱۰ تاریخی اثری و قدیمی ساحه‌لری نینگ کیله‌جک ییلده قیته توزه‌تیلیشی گه قرار آلینگن.
او، قیته توزه‌تیلیشی گه نیازی بولگن تاریخی اثرلر نی شو رقم حسابله‌یدی: «کیله‌جک ییل شریف خان نینگ قبری، خواجه ملک‌یار پرنده صاحب قبری، شهر قدیم تاریخی جامع مسجدی و بابا‌جی صاحب تاریخی مسجدی قیته توزه‌تیش ایشلری نی قیله‌میز. میرزا عبدالقیوم برجی نینگ ایشی، اندر تومنیده ملا مشک عالم گنبدی نینگ ایشی، جغتو تومنیده بیگم گنبدی نینگ ایشی، تاریخی مناره‌لر ساحه‌لریده قازیش ایشی و تاریخی مناره‌لر نینگ قدیمی ساحه‌لری نینگ احاطوی دیوارلری نینگ قالگن ایشی باشلنه‌دی.»
شونده‌ی بیرحالده، مدنیت ایش بیلرمانلری و مدنیت‌چیلر غزنی نینگ تاریخی اثرلریدن قطاری نی یقیلیشی خصوصیده خواطر بیلدیریب و ایتیشیچه، تاریخی اثرلر بیر جماعه نی تاریخ و مدنیتی نی کورسته‌دی.
مذکور ولایت نینگ یازووچیلری و «حضرت حکیم سنایی غزنوی» مدنیت انجمن اورین‌باسرلریدن غلام‌محمد ضیاروان نینگ ایتیشیچه، اوشبو ولایت‌ده ضرر کورگن تاریخی اثرلر نینگ توزه‌تیلیشی اوچون غزنی دولتی اداره‌لری ایش گه باشله‌یشلری کیره‌ک.
مدنیت ایش بیلرمانلری و مدنیت‌چیلر گه کوره، غزنی اوتمیش‌دن حاضرگچه قدیمی تمدنلر نینگ بستری دیر. اولر غزنی تاریخی اثرلری نینگ قدامتی نی اسلام‌دن آلدین زردشت و بودا دوره‌سیگه تیگیشلی دیه‌دیلر و اولرنینگ ایتیش‌لریچه، اوشبو ولایت اسلام‌دن کیین دوره‌لریدن هم کوپینچه اثرلری اینقسه «غزنویلر دورهسی»، «غوریلر»،«تیموریلر» و «هوتکیلر دورهسی»دن یادگارلری بار.
غزنی مدنیت فعاللریدن بیری آقا‌محمد خوشه‌زاده نینگ بوتوغریده ایتیشیچه: «غزنی ولایتی نینگ اثرلری معلومات و مدنیت وزیرلیگی‌ده روی‌خط و راجستر گه آلینگن که اولر نینگ سانی ۱۰۰دن آرتیق تاریخی اثر و قدیمی ساحه‌لر ایکن و بولر آره‌سیده‌گی اثلردن کوپینچه‌سی حاضر هم غزنی‌ده موجود دیر که اسلام‌دن آلدین دوره یعنی بودایی‌لر دورهسی و اسلام‌دن کیین غزنویلر، غوریلر، تیموریلر و هوتکیلر دورهسی گه تیگیشلی دیر.»
غزنی ۲۰۱۳-ییلده اسلام نینگ تمدن مرکزی صفتیده نام‌لندی و اونینگ کوپینچه تاریخی اثرلری توزه‌تیلدی؛ بیراق ۲۰۱۳-ییلدن کیین، ساختمانی ماده‌لرنینگ کیفیت‌سیزلیگی باعث، غزنی قلعه‌سیده ۵دن آرتیغ قدیمی برج چپه بولدی.