بامیان محلی مسؤل‌لری بیر خبری ییغین اوتکزیب، اوشبو ولایت یکاولنگ نمبر۲ تومنی نینگ “ده‌سرخک” قشلاقیدن ۳ تاریخی آثار تاپیلگنیدن خبر بیرگنلر.
بامیان مدنیت و معلومات ریاستی باشلیغی اسحاق موحد نینگ ایتیشیچه، اوشبو تاریخی آثار آفتابه، لگن و سماواردن عبارت دیر.
جناب موحد گه کوره، اوشبو تاریخی آثار بوندن ۱۲ کون آلدین “ده‌سرخک” قشلاقی نینگ باله‌لری تامانیدن تاپیلیب و یکاولنگ نمبر ۲ تومنی، پولیس کوچلریگه تسلیم ایتیلگن.
بامیان ولایتی اخبارات و معلومات ریاستی باشلیغی نینگ ایتیشیچه، اوشبو تاریخی آثارلر نینگ ماهیتی و عمری حقیده گپیریش اوچون وقت بولگن، چونکه بو تاریخی آثارلر باستان‌شناس کیشی‌لر تامانیدن تیکشیریلیشی لازم.
بامیان ولایتی حاکمی سید انور رحمتی نینگ ایتیشیچه، بامیان، کلتور و مدنیت نینگ بیشیچی بولگن. اونینگ کوپه‌ی تیریشیچه، بوتون تاریخی آثارلرنی بیر کتاب آرقه‌لی تانیش تیریش اوچون بامیان نینگ محلی اداره‌سی ایشلب تورگن.
بامیان ولایتی نینگ حاکمی گه کوره، مرکزی و محلی حکومت بوتون تاریخی آثارلر سقلنیشی و قیته قوریلیشی اوچون تلاش قیله‌دی.
بامیان حاکمی، ” فیروز کوه” آتلی موسسه اوشبو ولایت نینگ تاریخی آثارلریدن بولمیش شش‌پل کاروان‌سرایی نی قیته‌دن قوره‌دی و اوشبو کاروانسرای قیته‌دن قوریلگن پیتده قول صنعت‌لرینی رواجلنتیریش مرکزی صفتیده استفاده بولینه‌دی.
بامیان، اولکه مرکزیده‌گی قدیمی ولایت‌لردن بیری حساب بوله‌دی و اوشبو ولایت ده زرتشتی‌لر، بودایی‌لر و اسلام دوره‌سیدن قالگن تاریخی آثارلر بار، لیکن اوشبو تاریخی و عجایب آثارلرنی تانیشتیریش اوچون هیچ قندی اقدام صورت تاپمه‌گن.
