کابل، هرات، فاریاب و لوگر یشاوچیلریدن قطاری، دولتی ساغلیقنی سقلش مرکزلری و کسلخانهلرده دارو کملیگیدن شکایت قیلهدیلر. اولرنینگ ایتیشلریچه، مذکور مرکزلرگه مراجعت قیلیش پیتیده نیازلر بولگن دارولر یوقلیگی بیلن روپهره بولیب، دارولردن کوپینچهسی و حتا دستکش کبی دستلبکی طبیات جهازلریدن بیر قطارینی بازاردن ساتیب آلیشگه مجبورلر.
فاریاب یشاوچیسی بولمیش فیضمحمدنینگ ایتیشیچه، اوتگن ایکی آیده تورت مرته بو ولایتنینگ ۳۰۰ یاتاقلی کسلخانهسیگه بارگن، بیراق کسلیگه کیرهک بولگن دارونی قولگه کیلتیره آلمهگن. «هر ۱۰ دن ۱۵ کون تورت مرته فاریابنینگ ۳۰۰ یاتاقلی کسلخانهسیگه مراجعت قیلدیم، بیراق هر مرته دارو یوق دیدیلر. حتا بیر دستکس هم یوق ایدی و پایواز اوچون هم ۲۴ ساعتگچه آزیق-آوقت بیریلمهیدی.»
شونینگدیک هرات یشاوچیلریدن صفیاللهنینگ ایتیشیچه، اوتگن بیر ییلده بو ولایت حوزهای کسلخانهسیگه مراجعت قیلیش پیتیده، نیچه مرته دارو کملیگی بیلن روپهره بولگن. «دارو آلیش اوچون بارگنیمیز هر مرته، دارو یوق و نیچه کونگچه کیلهر دیدیلر. بو قیینچیلیک بیلن نیچه مرته روپهره بولدیک.»
شونینگدیک کابل شهری ییتینچی ناحیه یشاوچیسی بولمیش ندا، حیات کیچیرهدیگنلری محل یقینیدهگی ساغلیقنی سقلش مرکزیده دارو یوقلیگیدن شکایت قیلهدی.
بو بیلن بیرگه، لوگر یشاوچیسی بولمیش شکیبخاننینگ ایتیشیچه: «لوگرنینگ دولتی کسلخانهلریده دوالنیش خذمتلری کورسهتیلیشیده کوپینچه قیینچیلیکلر بار و اولردن اینگ مهمی دارو کملیگی دیر. دارو بولگنیده هم، کسللردن برچهسینینگ نیازلرینی حل قیله آلمهیدی.»
شوندهی بیرحالده، دولتی کسلخانهلردهگی شفاکارلردن قطارینینگ تصدیق قیلیشلریچه، دارو و طبی جهازلر کملیگی، دوالنیش خذمتلر کورسهتیلیشی جریانینی قیینچیلیک بیلن روپهره قیلگن دیر.
صحت طفل کسلخانهسیدهگی بالهلر ایچکی کسللیکلری متخصصی شاهپور عربنینگ ایتیشیچه: «کسللر اینیقسه بستری کسللرگه خذمت کورسهتیلیشی اوچون کوپینچه قیینچیلیکلر بیلن روپهرهمیز که اولردن اینگ مهمی دارو کملیگی دیر و دارولردن کوپینچهسینینگ تشقریدن تیارلنیشی کیرهک. کسللرگه بیریلهدیگن معاینهلردن قطاری کسلخانهده عملگه آشیریلمهیدی. باشقه بیرتاماندن، تشقریدن تیارلنهدیگن دارولر صفتی هم دایم یخشی بولمهی و دوالنیش نتیجهسینی تاثیر آستیگه قوییشی ممکن. بونی بیلهمیز که دولتی کسلخانه گه مراجعت قیلهدیگن کسللردن کوپینچهسی اقتصادی قیینچیلیکلر بیلن روپهرهلر.»
یورولوژی و عمومی جراحلیک متخصصی سید توفیقالله هاشمی، بو وضعیت عاقبتلری توغریده آگاهلنتیریب و ایتیشیچه: «دارو منظم شکلده مصرف بولمهگنی پیت، اونینگ برابریده تنه مقاومتینی کوپهیتیرهدی و حتا باشقه دارولردن فایدهلنیش هم ممکن یخشی نتیجه بیرمسه. کسللردن قطاری اقتصادی قیینچیلیکلر سبب، نسخهنی آلیشدن کیین دارونی ساتیب آلالمهیدیلر و قیته اویگه کیتهدیلر که نتیجهده، کسللیکلری کوپهیهدی و کیین دارو بیلن هم دوالنمسلیگی ممکن.»
شوندهی بیرحالده، اسلام امیرلیگی ساغلیقنی سقلش وزیرلیگی مسئوللری، دولتی ساغلیقنی سقلش مرکزلریده دارو کملیگینی تصدیقلب و ایتیشلریچه، بو قیینچیلیک حلی اوچون همکار نهادلر بیلن صحبت قیلگنلر.
مذکور وزیرلیک سوزلاوچیسی شرافتزمان امرخیلنینگ ایتیشیچه: «بستری کسللر اوچون ساغلیقنی سقلش مرکزلریده دارومیز بار؛ بیراق عمومی بولیم کسللری اوچون مرکز و ولایتلرده دارو کملیگی بیلن روپهرهمیز. نهادلردن آرقهلی تمویل بولهدیگن نهادلر آرقهلی ولایتی کسلخانهلردن قطاری کوپراق قیینچیلیکلر بیلن روپهرهلر. بو قیینچیلیک حلی اوچون تیگیشلی نهادلر بیلن ییغیلیشلریمیز بار ایدی. شونینگدیک دارولرنی قیمت ساتهدیگن داروخانهلرنی هم مهرولاک قیلهمیز. اوشبو قیینچیلیکنی ایچکی بودجه آرقهلی حل قیلیشگه سعیوحرکت قیلماقدهمیز.»
اسلام امیرلیگی ساغلیقنی سقلش وزیری نورجلال جلالی، جاری ییل ۲۰-اپریل ده، ولایتلردن قطاریده همکار موسسهلردن قطارینینگ ضعیف عمل قیلیشی، دوالنیش خذمتلری کورسهتیلیشی جریانینی قیینچیلیک بیلن روپهره قیلگنینی معلوم قیلگن ایدی. اونگه کوره، بو قیینچیلیکلر ساغلیقنی سقلش ایشلاوچیلری آیلیگی توللنیشی کیچیکتیریلیشی همده دارو و طبی جهازلرنینگ وقتیده تامینلنمسلیگیگه سبب بولگن.
