ارزگان مرکزی ترینکوت شهری نینگ بازاریده، قولده توزه‌تیلگن گردنبند‌لر و باشقه قول صنعت‌لری خصوصیده فعالیت قیله‌دیگن آغا‌شیرین نینگ ایتیشیچه، حاضر ایسه ۶۵۰ بی‌سرپرست عیال اونی بیلن ایش قیله‌دی. اونگه کوره، اوشبو عیاللر روزمزد ایشله‌یدیلر و یخن و باشقه قولده تیکیلگن نرسه‌لر برابریده پول آله‌دیلر.
آغا‌شیرین نینگ کوپه‌یتیریشیچه، بو ایشدن آیده ۲۰ مینگ افغانی فایده قیله‌دی و شونینگدیک او بیلن ایش قیله‌دیگن عیاللر، آلگن پوللری بیلن عایله احتیاجلری نی رفع قیله‌آله‌دیلر. اونینگ ایتیشیچه: «۵ ییل‌دن بیری بو ایش نی باشله‌گن‌مین و حاضر ایسه ۶۵۰ قشاق و بیوه عیال، بو ییرده ایش قیله‌دی. مین و اولر بو ایش یولیدن معاش قولگه کیتیره‌میز.»
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، اوشبو عیاللر نینگ تیکیشلری مملکت تشقی گه هم صادر بوله‌دی و خارج‌‌ده حیات کیچیره‌دیگن افغانلر بو نرسه‌لردن آله‌دیلر. ایش‌سیزلیک باعث، کونده یوزلرچه عیال آغا‌شیرین نینگ دوکانی گه باریب و ایش طلب قیله‌دیلر.
زرغونه و سامیه تیکیشلری قبول بولگنیدن کیین، بو ییرده ایشگه باشله‌یش نی ایسته‌یدیلر. زرغونه نینگ ایتیشیچه: «مین بو ییرگه ایش آلماق اوچون کیلدیم. بو ایشدن آیده ۲۵۰۰ افغانی درآمدیم بار و هر قنده‌ی قیین ایش هم بولسه انجام بیریش گه مجبور مین.»
بیزلرنینگ توییترده هم تعقیب قیلینگ!
شونینگدیک سامیه نینگ ایتیشیچه: «قیشلاغده‌گی باشقه عیاللر هم بو دوکان‌دن ایش آلگنلر. مین هم ایشیم برابریده قنچه بیریشلری نی کورماق اوچون کیلدیم. بو ییرده اهالی گه بولگن یاردم بیزلرگه ییتیشمه‌یدی. باله‌لریم آچ دیر و انه‌شوو سبب ایش آختره‌من.» اولر نینگ ایتیش‌لریچه، اقتصادی قیین‌چیلیک‌لر باعث، آز بیر پول برابریده هم ایش قیلیش‌گه حاضرلر.
شونده‌ی بیرحالده، بوندن آلدین گالوپ ناملی آمریکایی بیر موسسه افغانستان‌ده قشاق‌لیک نینگ کوپه‌یگنی باعث، اوشبو مملکت یشاوچیلریدن ۹۴ فایزی حیات وضعیتی‌دن رنج ایلته‌دی دیگن ایدی. اوشبو نهاد گه کوره، افغانستان یشاوچیلریدن ۷۵ فایزی عایله‌لری گه ییمک حاضرلماق اوچون امکانیت‌لری یوق و ایرککلردن کوپ عیاللر حیات‌لریدن رنج ایلته‌دیلر.