جرمنی «هِلپ» مؤسسهسی، اوتگن کونی کسب-هنر کورسینی بیتیریب فارغ بولگن ۹۰۰ کوچه بالهلری گه فراغت حجت ترقهتدی.
کسب-هنر کورسیدن فاروغ بولگن مبین نینگ اییتشیچه، آلتی آی اوی بویوملرینی تعمیرلش بوییچه تعلیم کورگن و بوندن بویان ایش بازاری گه کیریب و عایلهسینی قوللب قوتلش اوچون یاردم بیریشی ممکن. مبین نینگ اورغولشیچه: «بو هنرنی اورگنگنیمدن جوده هم خرسند من، حاضر اوزیمگه دکان آچیب و آتمنی قوللب قوتلهی آلهمن، جوده هم خرسندمن.»
هراتلیک یاشلردن بولمیش سید مصطفی، بوندن آلدین اقتصادی قیینچیلیک باعث خشت ایشلب چیقاریش بیر گروهده ایشلر ایدی ایتیشیچه، کسب-هنر تعلیمیدن کیین، عایلهسی نینگ اقتصادی قیینچیلیکلرینی حل و عایلهسی گه یاردم بیریشی ممکن.
بیزلرنینگ فیسبوک صحیفهمیزگه باش اورینگ!
او نینگ اورغولشیچه: «اقتصادی وضعیتیمیز یخشی ایمس ایدی؛ چونکه بو ایشدن باشقه چاره یوق ایدی، خشت ایشلب چیقاریش کارخانهده باریب ایشلر ایدیم، کیین ایسه بیزنی بو ییرده کیلتیردیلر. بو ییرده کیلگنیمدن ممنون من، ایشنی اورگنگندن کیین بازار باریب، عایله و جمعیت اونیمیگه بولهدی دیگن بیران ایش قیلهمن.»
کسب-هنر کورسیدن فاروغ بولگن بالهلر، اسلامی امارت مسئوللریدن اولرنی ایش بیلن تامینلش لرینی سورهیدیلر.
باشقه تاماندن، هرات ده جرمنی «هِلپ» مؤسسه مسئولی محمدعلی سروش گه کوره، اولر بو بالهلرنی انیق تیکشیریش اساسیده اوشبو ولایت نینگ مرکزی و تومن لریدن تانیب بو ییرده کیلتیرگنلر.
او نینگ کوپیتیریشیچه: «بو بالهلر آلتی آیلیک کسب-هنر کورسینی موفقیتلیک بیلن بیتیردیلر. قریب ۷۰ فایزی شهرده تعلیم کوردیلر؛ عینحالده ۳۰ فایزی هرات ولایتی تومن لریده کسب-هنر تعلیمینی کورگنلر.
تعلیم چاغیده اورگهتیش مرکزده باردی-کیلدی کرایهسی و باشقه امتیازلردن برخوردار ایدیلر. اوشبو دورده ۶۵۰ اوغیل و ۲۵۰ قیز شامل ۹۰۰ کیشی فاروغ بولدیلر.»
اوشبو مناسبت بیلن اوتکزیلگن احتفالده اشتراک ایتگن هرات محلی رسمیلری، بالهلر ویاشلر ایش بیلن تامینلنیشی گه علاوه، اولر نینگ اورگهتیش پروسه دوام ایتیشینی تاکید ایتدیلر.
هرات حاکمی نوراحمد اسلامجار نینگ ایتیشیچه: «کسب-هنر گه علاوه، زمانهوی بیلیمنی ایسدن چیقارمه سینلر و باشقه زمانهوی بیلیم و پروگراملر نی ا ورگنسینلر، بولر مملکت کیلهجگی دیر.»
بیزلرنینگ توییترده هم تعقیب قیلینگ!
هرات ایش و اجتماعی ایشلر باشلیغی احمد ثابت گه کوره: «کسب-هنر و ترقیاتی یاردملر یخشی نتیجه بیرگن الحمدلله. حاضر بو یاش بازار گه باریب ایشلهیدی و اوندن فایده لنهمیز و اسلامی جامعه گه خذمت قیلهدی. بو ایشدن جوده هم خرسند میز، کوپراق اهالی بو گَل ایشنی اورگهنیب بازار گه باریب ایش قیلیش اوچون ترغیب قیلهمیز.»
هرات ده جرمنی «هِلپ» مؤسسه متصدی لری نینگ ایتیشلریچه، اوشبو برنامه هرات ولایتیده اوچ ییلگچه دوام ایتهدی و اولر خیاطلیک، قالین توقیش، موبایل و اوی بویوملرینی تعمیرلش، برق، نجارلیک و کمپیوترنی کوچه بالهلری گه اورگته دیلر.
