غزنی محلی عملدارلری، اوشبو ولایتده ۲۳ ته تاریخی یادگارلیک تاپیلگنیدن خبر بیردیلر. بو یادگارلیکلر اسلام دوریگه تیگیشلی بولیب و ۵ ثور/۲۵ اپریل، شنبه کونی غزنی مرکزی حدودلریدن تاپیلگن.
غزنی مدنیت و اخبارات باشلیغی حمیدالله نثار گه کوره، بو قدیمی تاپیلمهلر سپال (سفال)دن تیارلنگن بولیب، «سوو لولهسی» شکلیده و ۳۰ همده ۶۰ سانتیمترگچه بولیب، غزنی مرکزی «اسفنده» حدودیدن تاپیلگن.
بو یادگارلیکلرنینگ تخمینی تاریخی قریب ۸۰۰ ییلگی دور گه باریب تقیلهدی.
نثارنینگ کوپهیتیریشیچه، اوشبو اثرلر سوو تاشقینلری نتیجهسیده کوریلگن و غزنی اخبارات و مدنیت ریاستینینگ تخنیکی تیمی و امنیتی کوچلرنینگ همکارلیگی بیلن، بو ولایت موزیمیگه آلیب کیلینگن.
غزنی اخبارات و مدنیت باشلیغی، حاضرده اوشبو حدود محافظه آستیگه آلینگنینی قوشیمچه قیلگن.
