افغانستان ایرکین میدیالریدن حمایت قیلیووچی اداره یا-ده نی تشکیلاتی، ییل‌لیک گزارشی‌نی نشر قیلیب میلادی ۲۰۲۰- ییلده خبرچی‌لرگه قرشی زوروانلیکلر ۲۳% کوپه‌یگنیدن خبر بیرگن. اوشبو نهاد گه کوره، افغانستانده میدیا جماعه‌سی نینگ وضعیتی یمان بولماقده.
عین‌حالده، قربان بولگن خبرچی‌لرنینگ عایله اعضالری، خبرچی‌لرگه قرشی زوروانلیک واقعه‌لر حکومت تامانیدن تیکشیریلمه‌گنی‌گه شبهه‌لی بولیب و حکومت نینگ بوتوغریده دقت‌سیزلیگی‌دن تنقید قیله‌دیلر.
هدفلی ترورلر کوپه‌یشی، خبرچی‌لرگه قرشی گروهی هجوم‌لر، تینچلیک سوزلشوولرده خبرچیلر و میدیالرنینگ نظرگه آلینمه‌گنی، خبرچیلر عایله‌لریگه قرشی هجوم‌لر، خبرچی‌لرگه قرشی زوروانلیک دوسیه‌لر نینگ حکومت تامانیدن تیکشیریلمه‌گنی و تیکشیریلگن دوسیه‌لرنینگ جزیانی شریک قیلینمه‌گنی خبرچیلر و خبرچی‌لردن حمایت قیلووچی نهادلرنینگ خواطرلنتیرگن موضوع‌لردن دیر.
