هرات محلی رسمی‌لری نینگ ایتیش‌لریچه، اوشبو ولایت نینگ پشتون‌زرغون تومنیده بیر مسجد ده یوز بیرگن پارتلشده طالبان جنگریلریدن ۲۰ ته‌سی هلاک و یره‌لنگن.
هرات حاکمی سیدعبدالوحید قتالی نینگ ایتیشیچه، بوگون “یکشنبه” توشدن آلدین ساعت ۱۱ ده طالبان جنگریلریدن بیرقطاری اوشبو ولایت نینگ پشتون‌زرغون تومنیده بیر مسجد ده انتحاری واسکت، جاده چیککه‌سیده جایلشتیریله‌دیگن میان و دهشت تشلاوچی‌لیک هجوم ریجه‌سینی توزه‌ته‌دیگن پیتده پارتلش یوز بیرگن و نتیجه ده ۲۰ طالب هلاک و یره‌لنگن.
هرات حاکمی نینگ کوپه‌یتیریشیچه، اوشبو پارتلشده هلاک ایتیلگن‌لر و یره‌لنگن‌لرنینگ رقمی معلوم ایمس. ایتیلیشیچه، اوشبو واقعه‌ده طالبان گروهی‌گه تیگیشلی کوپ قطار پارتلش ماده نابود ایتیلگن.
عین‌حالده، پشتون‌زرغون تومنی یشاوچی‌لریدن بیرقطاری نینگ ایتیش‌لریچه، طالبان جنگریلری ۴ کوندن بویان اوشبو تومن بیرقطار بولیم‌لریده هجوم‌لرینی کوپه‌یتیرگن. اولرنینگ ایتیش‌لریچه، پشتون‌زرغون بازاری طالبان قمراویگه قرار تاپگن.
طالبان گروهی حاضرگه‌قدر بوتوغریده فکر بیلدیرمه‌گن.