خلق‌ارا آزیق-آوقات دستوری (WFP)، افغانستان ده کم‌بغل کیشی‌لر سانی کوپه‌یگنی خصوصیده خواطر بیلدیریب ایتیشیچه، حاضر ایسه اوشبو مملکت‌ده ۲۰ میلیون گه یقین کیشی نینگ ییترلی آزیق-آوقات گه قول تاپه آلمسلیگی سبب، کوپینچه پیت کیچه‌لر نی آچلیک بیلن اوتکزه‌دیلر.
افغانستان ده خلق‌ارا آزیق-آوقات دستوری مدیری هسیایو وی لی نینگ اسکای نیوز بیلن اوتکزگن صحبتیده ایتیشیچه: «افغانستان یشاوچیلری آچلیک و کم‌بغل‌لیک و شونینگدیک اوشبو مملکت‌ده یالغیز ۴ میلیون باله و آنه جدی توییب آوقات‌لنمه‌سلیک بیلن روپه‌ره دیر. اوتگن ییل‌ده ۲۳ میلیون کیشی گه یاردم بیردیک و شونینگدیک ۸۰۰ میلیون دالر عاجل یاردم‌لر گه هم نیازی‌میز بار.»
بیزلرنینگ توییترده هم تعقیب قیلینگ!
شونده‌ی بیرحالده، کابل یشاوچیلریدن قطاری مملکت‌ده ایشسیزلیک و قشاق‌لیک کوپه‌یگنی‌دن شکایت قیلیب و ایتیش‌لریچه، اسلام امیر‌لیگی اهالی گه ایش زمینه‌سی نی یره‌تیشی کیره‌ک.
تورت کیشی‌لیک عایله سرپرستی و کابل شهری یشاوچیسی بولمیش جمشید نینگ ایتیشیچه، عایله خره‌جتی نی تامین‌لش و آزیق-آوقات تیارلش اوچون، اوی وسیله‌لری نی ساتیش گه مجبور بولگن.
اونینگ کوپه‌یتیریشیچه: «۱۰۰ افغانی تاپگنیم و شونینگدیک عایله‌م بیلن آچ یاتگنی‌میز کون‌لر هم بار. ایش یوق و بوگون ایشسیزلیک و قشاق‌لیک برچه نی قیین‌چیلیک بیلن روپه‌ره قیلگن.»
آلتی کیشی‌لیک عایله سرپرستی و کابل شهری یشاوچیسی پرویز نینگ ایتیشیچه، کابل بیلیم یورتی نینگ حقوق فاکولته‌سی طلبه‌سی دیر؛ بیراق کم‌بغل‌لیک سبب، کابل شهری نینگ کوچه‌لری و سرک‌لریده قویاش آستیده آیسکریم ساتیش گه مجبور بولگن.
مذکور پایتخت یشاوچیسی نینگ ایتیشیچه، کوپینچه پیت بوش قول بیلن اوی گه کیلگن که، اوشبو وضعیت او باله‌لری نی ناامید‌لیگی گه سبب بولگن.
اونگه کوره: «ایش یوق و عایله خره‌جتی نی تامین‌لشگه مجبور‌مین؛ بیراق عایله خره‌جتی نی تامین قیله آلمه‌گنیم پیتده، اهالی‌دن قرض آلیش گه مجبور بوله‌من.»
خلق‌ارا آزیق-آوقات دستوری افغانستان ده کم‌بغل‌لیک کوپه‌یگنی خصوصیده خواطر بیلدیرگنی بیرحالده؛ بیراق اقتصاد وزیرلیگی مسئوللری نینگ ایتیش‌لریچه، مملکت اقتصادی وضعیتی اوتگن ییل گه قره‌گنده یخشی بولگن.
مذکور وزیرلیک سوزلاوچیسی عبدالرحمان حبیب نینگ ایتیشیچه، کم‌بغل‌لیک کمه‌یشی اوچون اسلام امیر‌لیگی مملکت‌ده بویوک ایش زمینه‌لرینی یره‌تیش پروژه‌لری نی تطبیق قیله‌دی.
جناب حبیبی نینگ کوپه‌یتیریشیچه: «اسلام امیر‌لیگی جاری ییل‌ده ایش زمینه یره‌تیش سکتورلریده قوش‌تیپه، قشقری پروژه‌سیدن نفت قازیب چیقریش و شونینگدیک ترانسپورت سکتوری‌ده هم تیمیر یولی توزتیلیشی کبی برنامه‌سی بار که، اوشبو پروژه‌لر نینگ یولگه قوییلیشی بیلن یوزلرچه کیشی گه ایش زمینه‌سی یره‌تیلیشی ممکن.»
بیزلرنینگ فیسبوک صحیفه‌میزگه باش اورینگ!
عین حالده، بوندن آلدین هم بیرلشگن ملت‌لر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری یا-ده اوچا، افغانستان ده ۲۴ میلیون کیشی نینگ یامان بیر وضعیت‌ده حیات کیچیریشی و انسان‌پرورلیک یاردم‌لر گه کوپراق نیازمند بولگنی نی ایتگن ایدی.
ایتیش کیره‌ک که، افغانستان ده یاردم بیرووچی خلق‌ارا تشکیلات‌لر ایش‌لری توخته‌گنی و شونینگدیک بیرلشگن ملت‌لر تشکیلاتی‌ده‌گی عیال ایشلاوچیلر گه چیکلاو‌لر یره‌تیلگنی‌دنی کیین، مملکت‌ده انسان‌پرورلیک یاردم‌لر ترقه‌تیلیش پروسه‌سی قیین‌چیلیک بیلن روپه‌ره بولگن.