فراه ده دهقانلردن قطاری‌نینگ ایتیشلریچه، جاری قویاش ییل‌ده بو ولایت‌ده پخته ایکیلیشی و اونینگ حاصلاتی کوپه‌یگن.
فراه ده‌گی دهقانلردن محمدنبی نینگ ایتیشیچه، جاری ییل‌ده ییرلریدن یخشی پخته قولگه کیلتیرگن. اونینگ کوپه‌یتیریشیچه: «ایکی ییل‌دن بویان پخته ایکه‌من؛ بیرینچی ییل‌ده ییر آز ایدی و کوپ حاصلات بیرمه‌دی؛ بیراق بو ییل حاصلات ایکی برابر بولگن و عایله نیازلری بو یول آرقه‌لی تامین‌لنه‌دی.»
بیزلرنینگ «ایکس» ترماغی ده هم تعقیب قیلینگ!
فراه ده‌گی دهقانلردن باشقه بیری غلام‌رضا نینگ ایتیشیچه، پخته ساتیلیشی کوپ بولگنی اوچون اونی ایکیش گه یوز کیلتیرگن. «فراه یشاوچیلری اینیقسه بالابلوک تومنی یشاوچیلری پخته ایکه‌دیلر. پخته‌نینگ پروسس بولیشینی بیله‌میز و هر ییل پخته ایکه‌میز؛ چونکه بوغدای ایکینی گه قره‌گنده یخشی دیر.»
شونده‌ی بیرحالده، اوتگن ییللرده ییرلری گه خشخاش ایکه‌دیگن فراه ده‌گی دهقانلردن قطاری‌نینگ ایتیشلریچه، حاضر پخته ایکیش گه یوز کیلتیرگنلر.
فراه یشاوچیسی بولمیش شکیب نینگ ایتیشیچه: «حاضر کوکنار ایکمه‌یمن؛ سونگی اوچ ییل‌ده اهالی کوپ پخته ایکه‌دی. پخته ساتیلیشی اوچون کوپراق بازار قیدیریلیشینی ایسته‌یمیز.»
فراه ایکینچیلیک، سووغاریش و چاروه‌چیلیک ریاستی‌نینگ رواجلنتیریش بوییچه مسئولی عبدالرازق فراهی گه کوره، سونگی اوچ ییل‌ده بو ولایت‌ده پخته ایکیلیشی گه قیزیققنلر سانی کوپه‌یگن. اونینگ کوپه‌یتیریشیچه: «پخته خشخاش ایکینی اورنیده یخشی بیر بدیل دیر. مرکزی احصائیه ریاستی، ایکینچیلیک وزیرلیگی و فراه ایکینچیلیک ریاستی‌نینگ ایکینچی بولیمی بیلن هماهنگ‌لیکده نیچه تومن‌ده پخته‌دن نمونه آلیش ایشلرینی انجام بیرگنلر. ۱۶ مترمربع ییردن پخته نی ییغگن‌میز که کیله‌جگ‌ده بازار یره‌تیلیشی بولیمیده ایش قیله آلسه‌ک.»
بیزلرنینگ فیسبوک صحیفه‌میزگه باش اورینگ!
فراه ایکینچیلیک ایشلری بوییچه ایش بیلرمان عبدالله قادری نینگ ایتیشیچه، دهقانلرنی قوللب-قوتلش اوچون اولرنینگ محصوللری ساتیلیشی‌گه زمینه یره‌تیلیشی کیره‌ک. «فراه ده پخته صناعتی‌نینگ رواجلنگنی‌دن کوپ آز وقت بولگن، دهقانلریمیز کیمیاوی کود‌لر، اصلاح بولگن اوروغلر و تخنیکی مصلحت‌لر گه نیازلری بار که بو رقم ایکیش و ییغیم-تیریم بولیم‌لرینی درست بیر شکلده عمل‌گه آشیرسه‌لر و ایکیلیش میکانیزه بولسه.»
فراه ایکینچیلیک، سووغاریش و چاروه‌چیلیک ریاستی آرقه‌لی ترقه‌تیلگن معلومات اساسیده، جاری ییل‌ده بو ولایت‌ده پخته ایکیلگن ایکی مینگ ۶۹۰ هکتار ییردن، بیش مینگ ۳۸۰ تُن پخته قولگه کیلیشی پیش‌بینلیک بوله‌دی.
