نماینده‌لر کینگش اعضالریدن قطاری نینگ ایتیش‌لریچه، ملی خوفسیزلیک کینگش مصلحتچیسی تورموش اورتاغی نی ۱۸ مینگ دالر معاش بیلن اوزیگه مصلحتچی تعیین قیلگن.
بدخشان ملت وکیلی عبدالرووف انعامی نینگ ایتیشیچه، ملی خوفسیزلیک مصلحتچیسی حمدالله محب آمریکا یشاوچیسی بولگن تورموش اورتاغی نینگ اوزیگه مصلحتچی تعیین قیلگن. انعامی گه کوره، جناب محب خوفسیزلیک کینگش بولیمیده ایش تجربه‌سی و تخصصی بولمه‌گن تورموش اورتاغی گه ۱۸ مینگ دالرلیک حقوق تعیین قیلگن.
ایتیلیشیچه، جناب محب نینگ تورموش اورتاغی مصلحتچی‌لیککه علاوه، ملی خوفسیزلیک کینگشی نینگ پالیسی ریاستی گه هم مسئولیتی بار.
نماینده‌لر کینگشی نینگ اوشبو اعضاسیگه کوره، جناب محب نینگ تورموش اورتاغی یالغیز اوتگن اوچ هفته‌ده کابل هوا قونالغه‌سی نینگ خاص مهمان‌لری نینگ یولیدن ۷ مرته مملکتدن تشقی سفر قیلگن. اونگه کوره، جناب محب نینگ تورموش اورتاغی نی کیتیب-کیلیشی شبهه‌لی دیر، بیراق حاضرگچه بو توغریده هیچ بیر نهاد توجه قیلمه‌گن.
بو حقده ملی خوفسیزلیک کینگشی نینگ فکرینی اورگه‌نیش ایسته‌دیک، بیراق موفق بولمه‌دیک.
