بوگون “شنبه” نمایندهلر کینگشی اعضالری ایچکی ایشلر، مالیه، تشقی ایشلر، مدافعه، عدالیه، عالی اوقوو یورت‌لر، اجتماعی ایشلر، مخابرات، حج و اوقاف و سوداگرلیک وزیرلیک‌لری نینگ نامزدلریگه ایجابی آواز بیرگنلر.
حنیف اتمر ۱۹۷ ایجابی آواز بیلن تشقی ایشلر وزیری، عبدالهادی ارغندیوال ۲۰۵ ایجابی آواز بیلن مالیه وزیری، اسدالله خالد ۲۰۶ ایجابی آواز بیلن مدافعه وزیری، مسعود اندرابی ۲۱۴ ایجابی آواز بیلن ایچکی ایشلر وزیری، معصومه خاوری ۱۵۴ ایجابی آواز بیلن مخابرات وزیری، فضل احمد معنوی ۲۲۰ ایجابی آواز بیلن عدلیه وزیری، عباس بصیر ۱۹۷ ایجابی آواز بیلن عالی اوقوو وزیری، بشیر احمد ته‌ینج ۱۹۰ ایجابی آواز بیلن اجتماعی ایشلر وزیری، محمد قاسم حلیمی ۱۴۸ ایجابی آواز بیلن حج و اوقاف وزیری و نثار احمد غوریانی ۲۱۳ ایجابی آواز بیلن سوداگرلیک وزیری صفتیده تعیین‌لنگنلر.
اوشبو لایحه اداغیده نمایندهلر کینگشی باشلیغی میررحمان رحمانی، نامزد وزیرلرگه آواز بیریش جریانی شفاف بولگنی‌نی بیلدیرگن.
ایتیش کیره‌ک کیم، قالگن باشقه ۱۴ نامزد وزیر کیله‌جک کونلرده اوز برنامه‌لرینی نمایندهلر کینگشی‌گه بیان قیله‌دی.
