قندوز ولایتی ساغلیق‌نی سقلش مسئوللری نینگ ایتیشلریچه، اوتگن بیر آیده قیزه‌میققه چلینگن کسللردن ۱۷ ته‌سی جان بیرگن. اوشبو ولایت ساغلیق‌نی سقلش ریاستی نینگ مسئولی نجیب‌الله ساحل نینگ ایتیشیچه، اوشبو مدت ایچیده بو ویروس‌گه چلینگن کسللردن ۹ یوز ۱۵ کیشی ساغه‌یگن دیر.
جناب ساحل نینگ کوپه‌یتیریشیچه، قیزه‌میققه چلینگن‌لر سانی کوپه‌یگنیدن کیین اوشبو ولایت حوزوی کسلخانه‌سی نینگ کرونا گه چلینگن کیشی‌لرگه اختصاص بیریلگن ۸۰ بسترلیک بولمینی قیزه‌میق ویروسی گه چلینگن کیشی‌لر اختیاریگه قرار بیریلگن دیر، و حاضر اوشبوکسلخانه‌ده ۹۰ گه یقین قیزه‌میققه چلینگن کسل درمان آستیده قرار تاپگن دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، چیگره‌سیز داکترلر یا MSF وعده بیرگن‌لر، قیزه‌میققه چلینگن کسل‌لرسانی کوپه‌یگن صورتده، اوشبو کسلخانه بسترلرینی کوپه‌یتیره‌دیلر.
ایتیش کیره‌ک دیر که بغلان، تخار، و بدخشان ولایت‌لریده قیزه‌میق ویروسی‌گه چلینگن کیشی‌لر قندوز ولایتی نینگ حوزوی کسلخانه‌سیده درمان آستیده قرار بیریله‌دی.
شونینگدیک خلق‌ارا ساغلیق‌نی سقلش تشکیلاتی اوشبو کسللیک باله‌لر آره‌سیده کوپه‌یگنیدن آگاه‌لنتیریب ایتیشیچه، توییب آوقاتلنمس‌لیک واقعه‌لری نینگ سطح یوقاری بولگنی سبب مذکور کسللیک باله‌لرگه خواطرلی دیر.
بیزلرنینگ توییترده هم تعقیب قیلینگ!
