مملکت یشاوچیلری هر ییلی هییت بیرم‌لریده اوزلری و عایله اعضالری گه ینگی کییم توزه ته‌دیلر و بو ایش ایسه خیاط‌لر نینگ ایشلرینی رونقلنتیره‌دی، بیراق بو ییل ده‌گی قشاق‌لیک، ایش‌سیزلیک باعث اوتمیش‌لر گه نسبتن خیاط‌لر نینگ ایشلری کمه‌یگن.
هلمند ده‌گی خیاط‌لردن قطاری نینگ ایتیشلریچه، اولر نینگ ایشلری اوتمیش ییل‌لر گه نسبتن قریب ۵۰ فایز کمه‌یگن.
لشکرگاه شهری‌ده خیاط‌لیک قیله‌دیگن ننگیالی و مسعود گه کوره، اقتصادی قیینچیلیک، قشاق‌لیک، ایش‌سیزلیک و مهاجرت، اولر نینگ ایشلری اوستیگه سلبی تاثیر قیلگن.
بیزلرنینگ فیسبوک صحیفه‌میزگه باش اورینگ!
لشکرگاه شهریده‌گی خیاط ننگیالی نینگ ایتیشیچه: «اسمیم ننگیالی. اهالی نینگ اقتصادی وضعیتی یامان شونی اوچون ینگی کییم قیله آلمه‌یدیلر. اکثر کیشی‌لر مهاجر بولگن، هر ییلی بو وقتده ۱۵۰ دن ۲۰۰ جوره کییم تیکر ایدیک، لیکن بو ییل ۱۰۰ جوره کییم بویورتمه آلالمه‌دیک.»
لشکرگاه شهریده‌گی باشقه خیاط‌لردن بیری مسعود نینگ ایتیشیچه: «اسمیم مسعود. اکثر یاش‌لر ایران یا باشقه اولکه‌لر گه مهاجر بولگنلر. اوشبو یاش‌لر کوپراق ینگی کییم قیلر ایدیلر حاضر اولر یوق. مردم بیکار و اقتصادی وضعیت ضعیف دیر.»
عین‌حالده، هلمند سوداگرلیک و سرمایه یاتقیزیش اتاقی مسئول‌لری نینگ ایتیشلریچه، هلمند ولایتیده ایش شرایطی یره‌تیلیشی اوچون سعی و حرکت قیلماقده‌لر.
هلمند سوداگرلیک و سرمایه یاتقیزیش اتاقی اورین باسری عطامحمد اخلاقی نینگ ایتیشیچه: «خیاط‌لر بیلن همکارلیک قیلیش توانیمیز بولسه اولر بیلن همکارلیک قیله‌میز. ایش‌گه نیازی بولگن خیاط‌لر بیزگه مراجعت قیلسه بیز اولرنی قوللب قوتله‌یمیز. بیز هر کیم نینگ خواهش_اراده‌سینی تینگله‌یمیز. بیز اولر بیلن همراه بولگن میز بو له‌میز.»
بیزلرنینگ توییترده هم تعقیب قیلینگ!
ایتیش کیره‌ک که، اوتمیش ییل‌لرده خیاط‌لر حتا هییت بیرمیدن ۱۵ کون آلدین اهالی نینگ کییم‌لرینی تیکیش اوجون آلمر ایدیلر، بیراق حاضر اکثر خیاط‌لر نینگ اوتمیش کبی ایشلری یوق و ایشلری کمه‌یگن.