هلمند معارف ریاست رئیسی محمدعوض انصاری نینگ سلاموطندار گه ایتیشیچه، اوشبو ولایتده ۳۵۷ مکتبدن، ۲۰۰دن آرتیغی نینگ بناسی یوق و اوقووچیلر آچیق بیر فضاده تعلیم کورهدیلر.
اونگه کوره، هلمند ده مکتبلردن کوپینچهسی نینگ بناسی اوتگن ییللر جریانیدهگی اوروشلر سبب، خراب بولگن دیر.
جناب انصاری نینگ کوپهیتیریشیچه: «اوتگن ییللر جریانیدهگی اوروشلرده، هوایی هجوملر صورت تاپگن ایدی. بیر قطار تومنلرده حتی بیر مکتبده هم بناسی یوق. حاضر ایسه اوشبو ولایتده ۱۰۰ مکتبده بناسی بار و باشقهلری ایسه کرایی اویلرده فعالیت قیلهدیلر یا-ده اوقووچیلر آچیق بیر فضاده درس اوقیدیلر.»
بیزلرنینگ فیسبوک صحیفهمیزگه باش اورینگ!
هلمند ده اوقووچیلردن قطاری نینگ ایتیشلریچه، بناسیز مکتبلرده تعلیم کوریش، ساووق و ایسیق هواده اولر نی کوپینچه ساغلیق و تعلیمی قیینچیلیک بیلن روپهره بولگن.
بناسیز دولتی مکتبلردن بیری، ناوه تومنیده گوهرگین نوآباد دولتی مکتبی دیر.
هلمند نینگ ناوه تومنیده جایشلگن بناسیز گوهرگین نوآباد دولتی مکتبیدهگی اوقوچیلردن محبوبخان نینگ ایتیشیچه: «صنفیمیز یوق، قیشده ساووق و یاز موسومیده ایسیق دیر.»
شونینگدیک اوشبو مکتب اوقووچیلریدن باشقه بیری قاسم نینگ ایتیشیچه: «صنفیمیز یوقلیگی سبب، ییرده اولتیرهمیز. بعضی کونلر هوا نینگ ساووقلیگی و ایسیقلیگی سبب، درسیمیز لغو بولهدی.»
شوندهی بیرحالده، هلمند ده اوقیتووچیلردن قطاری نینگ ایتیشلریچه، مکتبلر نینگ خرابلیگی و تعلیم اوچون درست ییر یوقلیگی، اوقووچیلر درسی نینگ کیفیتی خصوصیده سلبی تاثیر قویشی ممکن.
بیزلرنینگ توییترده هم تعقیب قیلینگ!
هلمند ده اوقیتووچیلردن محمدامین نینگ ایتیشیچه: «مکتبلر بناسیز دیر. اوقووچیلر بو رقم بیر فضاده درس اوقه آلمهیدیلر.»
هلمند ده اوقیتووچیلردن باشقه بیری صدیقالله نینگ ایتیشیچه: «یاغمیرلیک کونلرده هم اوقووچی و همده اوقیتووچی مکتب گه کیلمهیدی. بو موضوع اوقووچیلر نینگ تعلیم کوریشی خصوصیده سلبی تاثیر قویهدی.»
هلمند ده اوتگن ییللرده یوز بیرگن اوروشلر سبب، اوشبو ولایتدهگی مکتبلردن کوپ قطاری اورتهدن کیتگن و شونینگدیک اوقووچیلر گه تعلیمی خذمتلر ارائهسی کوپینچه قیینچیلیکلر بیلن روپهره بولگن.
