قندوز ولایتی علی‌آباد تومنی دهقان‌لریدن بولمیش گل‌خان، ۲۰ جریب دن آرتیق ییرگه تربوز ایککن اونینگ ایتیشیچه، کوپ خره‌جت و محنت چیکیب ایشله‌یدی؛ بیراق چیت ایل دن تربوز وارد ایتیلیشی، وطنی تربوز نینگ بهاسینی قویی توشیرگن.
گل‌خان گه کوره، مارکیت‌ده خارجی بیر کیلو تربوز ۴۰ افغانی دیر، عین‌حالده اهالی بیر سیر وطنی تربوزنی ۴۰ افغانی ساتیب آلمه‌یدی.
گل‌خان نینگ ایتیشیچه: «وطنی تربوز مناسب نرخ ده ساتیلمه‌یدی، خارج دن وارد بوله‌دیگن بیر کیلو تربوز ۴۰ افغانی دیر، بیراق وطنی تربوز سیرینی ۴۰ افغانی هم آلیشمه‌یدی، دولت دن بو توغریده دقتلی بولیشینی سوره‌یمیز.»
بیزلرنینگ فیسبوک صحیفه‌میزگه باش اورینگ!
قندوزده‌گی دهقان‌لردن، نور محمد و ابراهیم، تربوز بهاسی ارزان‌لیگیدن شکایت قیلیب و مسئوللردن، ایرانی و پاکستانی صفت‌سیز تربوزلر وارد ایتیلیشی گه توسیق بولیش‌لرینی طلب قیله‌دیلر.
قندوزده‌گی دهقان‌لردن بولمیش نورمحمد نینگ ایتیشیچه: «اوتگن ییل گه نسبتن تربوز حاصلی یخشی، چیت ایل دن وارد بوله‌دیگن تربوزلر آلدی آلینیشی کیره‌ک، دولت دن ایکینچیلیک توغریسیده دقت قیلیشنی ایسته‌یمیز.»
قندوزده‌گی دهقان‌لردن باشقه بیری ابراهیم گه کوره: «تربوز یخشی حاصل بیرگن بیراق یخشی بازار یوق، چونکه ایران دن وارد بوله‌دیگن تربوزلرنی قیمت نرخ ده آلیشه‌دی بیزنی تربوزلریمیزنی ارزان آله‌دیلر، تربوزلریمیز حاضر ایتگن لیکن بازار یوق‌لیگی باعث ساتیلمه‌گن.»
بیزلرنینگ توییترده هم تعقیب قیلینگ!
قندوز ایکینچیلیک، سوغاریش و چارواچیلیک اداره‌سی نینگ باشلیغی امان‌الله حسن، اوشبو ولایتده تربوز حاصلاتی ۵ فایز کوپه‌یشیدن خبر بیریب ایتیشیچه، قندوز ولایتی تربوزلری گه یخشی بازار تاپیش مقصدیده سعی و حرکت قیلماقده‌لر.
امان‌الله حسن نینگ ایتیشیچه، بو ییل قریب ۳۹۷۷ هکتار ییر تربوز ایکینی اوچون اختصاص بیریلیب و حاصلاتی ۱۰۳۸۴ متریک تُن پیش‌بینلیک بولگن.
قندوز مملکت نینگ ایکینزار ولایت‌لریدن سنله‌دی، باشقه ولایت‌لر نینگ حاصلاتی گه نسبتن، قندوزده تربوز و قاوون یخشی حاصل بیره‌دی.
