دنیا بانکی ایکّی کون آلدین ترقه‌تگن بیانیه‌سیده، افغانستان گه ۸۴ میلیون دالرلیک مبلغ اجره‌تگنیدن خبر بیرگن. اوشبو بانک، بو یاردم‌لر افغانستان ده ایش فرصت‌لرینی یره‌تیش و بیکارچیلیک انقراضی گه توسیق بولیش بولیم‌لریده صرف‌لنیشینی بیلدیرگن.
سۉنگی ایکّی یریم ییل ایچیده دنیا همجمعیت افغانستان ده انسان پرورلیک، آزیق-آوقت و ساغلیق بولیمیده یاردم بیریب کېلگن بیرحالده، دنیا بانکی افغانستان ده ایش فرصت‌لری یره‌تیلیشی و بیکارچیلیک انقراضی گه توسیق بولیش اوچون اوشبو مقدار مبلغ نی اجره‌تگن.
اقتصاد وزیرلیگی دنیا بانکی نینگ اوشبو یاردمینی خوش قرشی‌لب و مذکور بانک دن افغانستان ده بیکارچیلیک و کمبغل‌لیک بحرانی حلی اوچون ترقیاتی لایحه‌لرنی عملگه آشیریشینی اېسته‌گن.
بیزلرنینگ فیسبوک صحیفه‌میزگه باش اورینگ!
سرپرست حکومت اقتصاد وزیرلیگی سۉزلاوچیسی عبدالرحمان حبیب نینگ سلام‌وطندار گه ایتیشیچه: «دنیا بانکی مسئوللری آلدین هم ترقه‌تگن بیانیه‌لریده ایشی یریم قالگن لایحه‌لر ایشی قیته باشلنیشیدن ایشانچ بیرگن اېدیلر، بو لایحه‌لر ایشی باشلنیشی بیلن اهالی نینگ اقتصادی اوستیگه مثبت تاثیر قیله‌دی.»
عین‌حالده، اقتصادی ایش بیلرمان عبدالنصیر رشتیا مملکت ده عایله‌لر نینگ اقتصادی یخشی‌لنیشی، کمبغل‌لیک و ایش‌سیزلیک قیینچیلیگی حل اېتیلیشی اوچون ترقیاتی لایحه‌لر عملگه آشیریلیشینی مهم دیه بهاله‌یدی.
اونگه کوره: «در حقیقت بو یاردم‌لر مملکت ده اقتصادی و ترقیاتی لایحه‌لر حرکت گه کېلیب و ایش فرصت‌لری یره‌تیلیب و کمبغل‌لر سانی کمه‌یشی گه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، هرات ولایتیده تجارت بولیمیده فعال عیال ثریا دقیق، بو ساحه ده قریب توقیز ییل دن بېری فعالیت قیلیب کېلماقده، افغانستان ده عیاللر نینگ کیچیک کسب‌وکارلری رواجلنیشی و عیاللر گه ایش فرصت‌لرینی یره‌تیش اوچون دنیا همکارلیک‌لری دوام تاپیشینی اېسته‌یدی.
خانم دقیق نینگ سلام‌وطندار گه ایتیشیچه: «ایشی‌میزنی دوام بیریش اوچون بو همکارلیک‌لر دوام تاپیشی مهم دیر چونکه اۉزگریشدن کېین ایشیمیز گه تاثیر قیله‌دی. ایشیمیز قوله‌مسلیگی اوچون بو یاردم‌لر دوام تاپیشینی اېسته‌یمیز.»
سلام‌وطندار نینگ معلومات‌لری اساسیده، ۴۰۰ دن آرتیق ترقیاتی و اقتصادی لایحه‌لر که بیر قنچه‌سی دنیا بانکی تامانیدن حمایت بولر اېدی، افغانستان ده اسلام امیرلیگی حاکمیتیدن سۉنگ ایشلری یریم قالگن.
