هرات محلی مسوول‌لری، طالبان جنگریلری نینگ یوناما دفتری، مالان و پشتون کوپریک‌لری اوستیگه هجوم قیلگنلریدن خبر بیرگن. هرات ولایتی بوییچه ساغلیق‌نی سقلش ریاستی مسوول‌لرنینگ ایتیش‌لریچه، طالبان تامانیدن اویوشتیریلگن هجوم‌لر نتیجه‌سیده ۵ حربی هلاک و ۳ تینچ اهالی شامل ۲۱ کیشی یره‌لنگن.
هرات حوزه‌یی کسلخانه‌سی باش طبیبی عارف جلالی نینگ سلام‌وطندارگه ایتیشیچه، یوناما دفتری نینگ بیر قوروقچی‌سی شامل ۵ حربی هلاک ایتیلگن. هرات حوزه‌یی کسلخانه‌سی باش طبیبی نینگ کوپه‌یتیریشیچه، بو واقعه‌ده ۱۸ حربی و ۳ تینچ اهالی یره‌لنگن. جناب جلالی گه کوره، یره‌لنگن‌لرنینگ ساغلیک وضعیت‌لری یخشی دیر.
عین‌حالده، افغانستان بوییچه بیرلشگن ملتلر تشکیلاتی نینگ اورین باسرلیک هیاتی یا-ده یوناما دفتری بیر خبرنامه نشر قیلیب طالبان نینگ اوشبو نهادنی هراتده‌گی دفتری اوستیگه اویوشتیرگن هجومی‌نی جدی شکلده قاره‌لگن. یوناما نینگ ایتیشیچه، اوشبو هجوم ده امنیتی کوچلر چیککه‌سیده یوناما دفتری نینگ بیر قوروقچی‌سی هلاک ایتیلگن.
بیرقطار منبع‌لرنینگ ایتیش‌لریچه، بوگون “جمعه” عصر چاغیده امنیتی کوچلر پشتون کوپریگی‌گه بارگن و طالبان جنگریلری مذکور منطقه‌لرنی ترک قیلگن.
حاضرده امنیتی کوچلر، ملی خوفسیزلیک کوچلری، خاص قطعه‌لر و مردمی مقاومت حرکتی هرات شهری نینگ کیریش ایشیک‌لری شامل بیرقطار منطقه‌لریده چیک‌پاینت ایجاد قیلگنلر
