مدافعه وزیرلیگی نینگ ایتیشیچه، میدان‌وردک ولایتی نینگ بهسود تومنیده امنیتی کوچلر تامانیدن اویوشتیریلگن هجوم‌لر نتیجه‌سیده، علی‌پور گه تیگیشلی جنگریلردن ۱۲ ته‌سی هلاک ایتیلگن.
بوگون “شنبه” ملی مدافعه وزیرلیگی تامانیدن نشر قیلینگن اعلامیه‌ده ایتیلیشیچه، اوشبو عملیات‌لر اوتگن کیچه امنیتی کوچلر تامانیدن اویوشتیریلگن و علی‌پور گه تیگیشلی جنگریلردن باشقه ۶ ته‌سی یره‌لنگن.
مدافعه وزیرلیگی نینگ اعلان قیلیشیچه، مذکور عملیات‌لر اهالی نینگ جان و مال‌لری و عامه‌وی تاسیسات‌لردن حفاظت قیلیش اوچون اویوشتیریلگن. اوشبو وزارت نینگ ایتیشیچه، علی پور گه تیگیشلی جنگریلر عامه‌وی تاسیسات‌لر، تومن بناسی و مکتب‌لرنی تخریب قیلیب و اهالی دن باج آله‌دی.
مدافعه وزیرلیگی گه کوره،امنیتی کوچلر بهسود تومنیده نظم و تینچلیک‌نی تامین‌لش و علی‌پور گه تیگیشلی جنگریلریگه اهالی‌نی اذیت قیلیش اوچون رخصت بیرمه‌یش اوچون سعی و حرکت قیله‌دی.
اوشبو هجوم‌لر هوایی کوچلرنینگ بیر تیک‌اوچری علی‌پور تامانیدن سقوط بیریلگنیدن سونگ، صورت تاپگن. ملی مدافعه وزیرلیگی نینگ اعلان قیلیشیچه، هوایی کوچلرگه تیگیشلی بیر تیک‌اوچر مردمی مقاومت قومندانی علی پور گه تیگیشلی قوراللی جنگریلر تامانیدن سقوط بیریلگن و نتیجه ده ۹ کیشی هلاک ایتیلگن.
