دولتی اداره‌لر و خصوصی نهادلرنینگ ایش‌لری توخته‌تیلگنی و چیت‌ایللیک یاردم‌لر کمه‌یگنی باعث، اقتصادی ایش بیلرمانلر مملکت وضعیتی‌نی خواطرلی عنوان قیلیب و مملکتده کمبغللیک سابقه‌سیز شکلده کوپه‌یشی ممکن‌لیگی‌نی بیلدیرگنلر.
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمانلردن بیری سیدنورالله مراد نینگ جاری وضعیت‌دن خواطر بیلدیریب ایتیشیچه، ایش‌سیزلیک دوام تاپیشی، ایچکی و چیت‌ایللیک درآمدلر کمه‌یشی و امکانیت یوق‌لیگی اهالی اوستیگه سلبی تاثیر قویه‌دی.
اقتصادی ایش بیلرمانلردن باشقه بیری سیف‌الدین سیحون نینگ ایتیشیچه، ایچکی درآمدلر کمه‌یشی چیککه‌سیده، چیت‌ایللیک یاردم‌لرنینگ توخته‌تیلیشی موجود بولگن بحران‌لرنینگ کوپه‌یشی و اقتصادی فعالیت‌لر کمه‌یشی‌گه سبب بوله‌دی.
بیراق، طالبان نینگ ایتیشیچه، بانک‌لر و اقتصادی مرکزلر فعالیتی قیته باشلش اوچون سعی و حرکت‌لرنی دوامی بار و اولر دنیا بیلن یخشی رابطه قوریش و خلق ارا جماعه‌سی نینگ یاردم‌لرینی جلب قیلیش‌نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
افغانستان طالبان قولیگه سقوط قیلگنیدن سونگ، اقتصادی فعالیت‌لر کمه‌یب و چیت‌ایللیکلر هم افغانستانده‌گی یاردم‌لرینی توخته‌تیب قوییگنلر. سی ان ان کونده‌لیگی نینگ سونگی گزارشی‌گه کوره، افغانستانده عیال‌لرنینگ سرنوشتی معلوم بولمه‌گنی باعث، دنیا بانکی افغانستانده‌گی مالی یاردمی‌نی توخته‌تگن.
