امریکا تشقی ایشلر وزیرلیگی ۲۷ فبروری سه‌شنبه کونی، «افغانستان عیاللری اقتصادی مقاومتی ائتلافی» عنوانیده ییغیلیش یولگه قویگن.
امریکا قوشمه ایالتلری نینگ تشقی ایشلر وزیری آنتونی بلینکن نینگ ایتیشیچه، بو ییغیلیش افغانستان خاتین قیزلری اوچون ایش، تحصیل و تعلیم زمینه‌لرینی یره‌تیش مقصدیده یولگه قوییلگن.
مذکور ییغیلیش‌ده بلینکن جنابلری، افغانستان اقتصادی رواجلنیشی اوچون خاتین قیزلر نینگ ایش و تحصیل‌دن محروم اېتیلیشینی کتّه زیان دیب بهاله‌گن.
بلینکن نینگ ایتیشیچه: «خاتین قیزلر گه ایش و تعلیم حقی بیریلسه برچه مملکت اوندن فایده‌لنه‌دی، عیاللر عایله‌لری نینگ نفقه‌سینی تامینله‌یدیلر، اولر میلیون‌لب دالر افغانستان اقتصادی اضافه بولیشی گه یاردم بیره‌دی، اضافه درآمد و دایمی ثبات برقرار اېتیلیشی اوچون اقتصادی فرصت‌لر گه سبب بوله‌دی و شونینگدیک عیاللر نینگ اشتراکی جمعیت ترقیاتی گه باعث بوله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، تدبیرکالر عیال‌لردن بیرقطاری، تجارت بولیمیده عیاللر قۉللب-قوتلنیشینی اېسته‌یدیلر.
تدبیرکار عیال‌لردن عزیزه مومند گه کوره، دنیا همجمعیت حمایتی برنامه‌لری جمله دن تدبیرکار عیاللر نینگ محصولاتی اوچون بازار قیدیریش و خام مواد تیارلش بولیم‌لری‌ده اولر بیلن همکارلیک قیله آله‌دی.
خانم مومند گه کوره، بوندن آلدین نیچه مراتبه دنیا همجمعیت اولر گه یاردم بیریش وعده‌سینی بیرگن بولسه ده؛ بیراق اولر حمایت بولمه‌گنلرینی معلوم قیله‌دیلر.
اونینگ کوپه‌یتیریشیچه: «فعال شرکت‌لر هم کسادلیکّه یوز توتگن، چونکه مناسب بازاری‌میز یوق، آلدین تشقری مملکت‌لر ده صادر قیلر اېدیک لېکن حاضر صادر قیله آلمه‌یمیز چونکه تجارتی یول‌لر توسیلگن.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، اسلام امیرلیگی صناعت و سوداگرلیک وزیرلیگی مملکت سوداگرلیک و اقتصاد بولیمیده عیاللر رولینی مهم دیب، بو وزیرلیک تدبیرکار عیاللر گه ایش زمینه‌لری و قولی‌لیک یره‌تیش اوچون سعی‌وحرکت قیلماقده‌لیگیدن ایشانچ بیره‌دی.
صناعت و سوداگرلیک وزیرلیگی سۉزلاوچیسی عبدالسلام جواد آخوندزاده نینگ ایتیشیچه: «صناعت و سوداگرلیک وزیرلیگی هردایم تدبیرکار عیاللرنی قۉللب-قوتله‌گن، بیراق اولر گه قولی‌لیک یره‌تیش اوچون سعی‌وحرکت قیلماقده‌میز، محصولات‌لرینی دنیا گه صادر قیلیش اوچون آنلاین ویب‌سایت قوریش گه قرار قیلگن‌میز، هر کونی اولر نینگ ایشی رواجلنیش گواهی‌میز.»
عین‌حالده، اسلام امیرلیگی افغانستانده ایکّینچی مرته قدرت نی آلگنیدن سۉنگ، عیاللر گه ایریم چېکلاولرنی یره‌تگن.
