زابل ایکینچیلریدن قطاری نینگ ایتیش‌لریچه، ینگی‌لیکده میوه‌سی ییتیشگن باغ‌لر، اوتگن ییل‌لر گه نسبتاً بو ییل کوپراق حاصل بیره‌دی.
اولر نینگ کوپه‌یتیریش‌لریچه، بو ییل طبیعی آفت‌لر و یامغیر یوقلیگی سبب، اوتگن ییل گه قره‌گنده ۶ برابر بادام قولگه کیلتیریش‌لری ممکن.
زابل ده‌گی باغدارلردن بیری سید‌محمد نینگ سلام‌وطندار گه ایتیشیچه: «اوتگن ییل بادام‌لر موزلنگن ایدی. بو ییل اوتگن ییل گه قره‌گنده بیر بادام درختی‌میز تورت یا-ده بیش برابر حاصل بیره‌دی. اوتگن ییل بوتون باغیم‌‌دن ۴۳ سیر بادام قولگه کیلتیرگن ایدیم. بو ییل ایسه اوتگن ییل گه قره‌گنده ۶ برابر حاصل بیریشی ممکن.»
بیزلرنینگ توییترده هم تعقیب قیلینگ!
شونینگدیک زابل ده‌گی باغدارلردن باشقه بیری عصمت‌الله نینگ ایتیشیچه: «بو ییل بادام‌لر یخشی حاصل بیرگن، چونکه هوا یخشی ایدی و بادام‌لر موزلنمه‌دی. بادام‌لر شگوفه قیلگنی پیتده، هوا کوپ یخشی ایدی. بو ییل باشقه ییل‌لر گه قره‌گنده بادام یخشی حاصل بیریشی ممکن.»
باشقه بیر تامان‌دن، زابل ایکینچیلیک، سووغاریش و چاروه‌چیلیک رئیسی عطا‌الله رشید نینگ ایتیشیچه، بیر سروی اساسیده، اوشبو ولایت‌ده بادام حاصلی، بو ییل ۱۵ فایز کوپه‌یشی ممکن.
اونینگ کوپه‌یتیریشیچه، زابل نینگ ایکینچیلیک ییرلریدن ۳۲۰۰ هکتار ییری، بادام باغ‌لری گه اختصاص بیریلگن و اونگه علاوه، جاری ییل‌ده هم ۱۳۰۰ هکتار ییر گه بادام درخت‌لری ایکیلگن دیر.
بیزلرنینگ فیسبوک صحیفه‌میزگه باش اورینگ!
جناب رشید گه کوره: «بو ییل بادام توغریسیده بیر قطار سروی انجام بیردیک. بادام حاصلی بو ییل اوتگن ییل گه قره‌گنده قریب ۱۵ فایز کوپه‌یشی ممکن. زابل ده ۳۲۰۰ هکتار ییرده بادام باغی بار و بو ییل هم، بیر قطار همکار موسسه‌لر نینگ یاردمی بیلن ۱۳۰۰ هکتار ییر گه بادام کوچت‌لری ایکیلگن. زابل هواسی بادام اوچون یخشی دیر.»
عین حالده، جنوبی ولایت یشاوچیلری ایکینچیلیک اوچون سوو کم‌لیگی‌دن شکایت قیلیب و ایتیش‌لریچه، سوو کم‌لیگی سبب، محصول‌لری و باغ‌لریدن قطاری قوریگن دیر.
