هرات معلومات و مدنیت ریاستی مسئوللری نینگ ایتیشلریچه، اوشبو ولایت‌ده یوز بیرگن زلزله عاقبتیده، تاریخی آبده‌لر و قدیمی منطقه‌لردن کوپینچه‌سی زیان کورگن.
مذکور ولایت معلومات و مدنیت رئیسی احمد‌الله متقی نینگ ایتیشیچه، هرات ولایتی‌ده یوز بیرگن زلزله عاقبتیده زیان کورمه‌گن هیچ بیر تاریخی آبده یوق دیر.
اونینگ کوپه‌یتیریشیچه: «بو واقعه‌ده یالغیز اهالی گه زیان ییتیشمه‌گن، بلکیم تاریخی آبده‌لر هم زیان کورگن. هرات ولایتی بویوک جامع مسجدی نینگ کوپینچه جایی خراب بولگن.» اونگه کوره، تیزلیک بیلن زیان ییتیشگن تاریخی آبده‌لر نینگ قیته توزه‌تیلیشی ممکن.
بیزلرنینگ فیسبوک صحیفه‌میزگه باش اورینگ!
عین حالده، هرات ولایتی‌ده مدنیتچیلر، حکومت و خلق‌ارا نهاد‌لردن اوشبو ولایت‌ده‌گی تاریخی آبده‌لر گه جدی توجه قیلینیشی نی سوره‌گنلر.
هرات ولایتی مدنیتچیلریدن بیری محمد‌صدیق میر نینگ ایتیشیچه، تاریخی منطقه‌لر گه بیر هفته جریانیده ییتیشگن زیان‌لر، سونگی بیر عصر جریانیده مثلی کوریلمه‌گن دیر.
اونینگ کوپه‌یتیریشیچه: «اوزیم هرات نینگ کهنه شهری گه باردیم، زیان ییتیشمه‌گن جای قالمه‌گن، قیرگه قره‌سم زیان ییتیشگن که، انه شوو سبب تیزلککه مذکور زیان‌لر نینگ حل قیلینیشی کیره‌ک.»
باشقه بیر تامان‌دن، هرات ولایتی جامع مسجدی نینگ کاشی توزه‌تووچی استادلری گه کوره، تاریخی منطقه‌لر نینگ قیته توزه‌تیلیشی اوچون نیاز بولگن کاشی‌لر، ایشلاوچی کم‌لیگی سبب بیر ییل جریانیده هم توزه‌تیلیشی امکان‌سیز دیر.
قدیمی کاشی توزه‌تووچیلردن بیری امید نیک‌نام نینگ ایتیشیچه، برچه تاریخی آبده‌لر و منطقه‌لرده «ییتی رنگ، معرق و مقنس» تیپلی اوچ تیپ کاشی ایشلنگن و کوپینچه زیان هم معرق کاشی‌لر گه ییتیشگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «کاشی‌لردن کوپینچه‌سی ییقیلگن و مذکور زیان‌لر نینگ یقین‌دن کوردیک که معرق کاشی‌لر دیر و ۸۵ فایز معرق‌دن توزه‌تیلگن و مذکور کاشی‌لر هم کوپراق زیان کوریب و ییقیلگن.»
قدیمی کاشی توزه‌تووچیلردن باشقه بیری بشیراحمد فقیری نینگ ایتیشیچه، اولر حاضر، ایکی تور کاشی نینگ توزه‌تیشلری ممکن. «حاضر کوره‌میز که ییقیلگن کاشی‌لردن کوپینچه‌سی معرق دیر و ایشله‌یدیگن یالغیز تورت استاد‌میز و بو تورت کیشی بیلن برچه کاشی‌لر نینگ توزه‌تیلیشی بولمه‌یدی.»
ایتیش کیره‌ک که، هرات ده بیر هفته جریانیده یوز بیرگن ایکی کوچلی زلزله، کوپینچه جانی و مالی زیان‌لر یانیده اوشبو ولایت نینگ تاریخی منطقه‌لری گه هم جدی زیان ییتیشتیرگن.
