اسلام امیرلیگی سوزلاوچیسی ذبیح‌الله مجاهد، سه‌شنبه کونی، ۹-عقرب، اوز صحیفه‌سیده «پاکستان و باشقه اولکه‌لر ده افغانستان‌لیک قاچقینلر گه عاید اسلام امیرلیگی نینگ بیانیه‌سی» نی ترقه‌تیب، قوشنی مملکت‌لر دن «اسلامی اخوت قاعده‌لری» اساسی ده افغانستان‌لیک قاچقینلر بیلن یخشی یانده‌شیش‌لرینی سوره‌گن.
بیانیه ده کیلیشیچه: «۴۰ ییل دن بیری افغانستان‌لیک قاچقینلر گه باش پناه بیرگن مملکت‌لر دن بیرینچی دن منتدارلیک بیلدیره‌میز. حاضر اولر دن افغان قاچقین‌لرینی اولکه‌لری دن جبر دن چیقرمه‌ی؛ بلکه اولر گه وقت بیریب و اوشبو اولکه‌لر قوشنی‌لیک، اسلامی اخوت و بشری شفقت اساسیده تحمل قیلیش‌لرینی ایسته‌ی میز.»
بیزلرنینگ فیسبوک صحیفه‌میزگه باش اورینگ!
مجاهد جنابلری گه کوره، افغان قاچقین‌لری یشه‌یدیگن اولکه‌لر نینگ خوفسیزلیگی نی بوزمه‌ی و مذکور مملکت‌لر نینگ ثبات‌سیز قیلمه‌گن. او نینگ کوپه‌یتیریشیچه: «قوشنی مملکت‌لر دن اسلامی اخوت قدریت‌لری اساسیده، افغان قاچقین‌لری بیلن یخشی یانده‌شوولرینی سوره‌ی میز.»
بیانیه گه بناً، جبر دن چیقریلگن قاچقینلر نینگ مال، پول و ملکیت‌لری اولر نینگ شخصی مالی و حق‌لری دیر، «هیچ‌کیم اولر نینگ مال‌لرینی تارتیب آلیش گه حقی یوق دیر.»
ذبیح‌الله مجاهد نینگ ایتیشیچه، افغانستان بوتون فقرالری اینیقسه سوداگرلر قطار مملکت‌لر تامانیدن جبر دن چیقریلگن افغانستان‌لیک قاچقینلر نینگ قیینچیلیگی حلی اوچون عالی کمیسیون اویغون‌لیگی بیلن اولر گه باش پناه بیریش، انتقال بیریش، دوالش و باشقه ساحه‌لر ده یاردم بیریب و اولر نی ایس دن چیقرمسلیک‌لری کیره‌ک.
بیانیه ده کیلیشیچه: «اسلام امیرلیگی حاکمیتی دن کیین، اسلامی توزوم، اولکه بویلب خوفسیزلیک، واحد رهبریت و یشاوچیلر آره‌سیده برادرلیک زمینه‌سی یره‌تیلگن، اسلام امیرلیگی برچه مسئوللری گه امکانیت‌لری گه قره‌ب قاچقینلر گه یاردم بیریش بویروغی بیریلگن.»
اسلام امیرلیگی سوزلاوچیسی، سوداگرلیک و صناعت وزیرلیگی و باشقه وزیرلیک‌لر و اداره‌لر دن، منطقه مملکت‌لر نینگ دولت‌لری تامانیدن جبر دن چیقریلگن سوداگرلر، سرمایه یاتقیزووچیلر و صناعت‌چیلر گه ایش زمینه‌سینی یره‌تیش‌لرینی سوره‌گن.
بیزلرنینگ «ایکس» ترماغی ده هم تعقیب قیلینگ!
بیانیه ده کیلیشیچه: «سیاسی خواطرلر باعث مملکت نی ترک ایتگن وطنداش‌لر گه، اولکه گه قیتیب و تینچ فضا ده حیات کیچیریش‌لری اوچون ایشانچ بیره‌میز.»
پاکستان دن افغانستان‌لیک حجت‌سیز قاچقینلر نینگ چیقریش جریانی ایرته (پنج‌شنبه، ۱۱-عقرب) باشله‌نیشی کوتیله‌دی. پاکستان حکومتی حجت‌سیز قاچقینلر گه ۳۱ اکتوبر گچه اوشبو مملکت نی ترک ایتیش اوچون مهلت بیرگن ایدی.
پاکستان دولتی نینگ افغانستان‌لیک حجت‌سیز قاچقینلر نی چیقریش قراری ایریم مناسبت‌لر گه سبب بولگن. ینگی‌لیک ده خلق‌ارا کیچیریم تشکیلاتی ینه بیر بار پاکستان دن افغانستان‌لیک قاچقینلر چیقریلیشی گه مناسبت بیلدیریب ایتیشیچه، بو قرار تیزلیک بیلن بیکار قیلینیب و خلق‌ارا همجمعیت مذکور مملکت نی قاچقینلر دن میزبان‌لیک قیلیش اوچون مالی حمایت قیلیش‌لری لازم.
