خلق‌ارا تینیق‌لیک تشکیلاتی، ۱۸۰ مملکت ده فساد گه قرشی کوره‌ش گه دایر معلومات نتیجه‌سینی ۱۰-دلو، سه‌شنبه کونی شریک قیلدی.
اوشبو تشکیلات نینگ گزارشی اساسیده، افغانستان ۲۰۲۳-ییل ده ۲۰ امتیاز بیلن ۱۶۲ اورینده قرار تاپگن. عین‌حالده اوتگن ییل افغانستان ۲۴ امتیاز بیلن ۱۵۰ اورینده قرار تاپگندی.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی ذبیح‌الله مجاهد اوشبو گزارش گه مناسبت بیلدیریب ایتیشیچه، افغانستان نینگ آنلاین تیزیم‌لری دن فایده‌لنه آلمسلیگی و باشقه مملکت‌لر نینگ فساد گه قرشی کوره‌شی طفیلی، افغانستان اورنی اوتگن ییل گه نسبتن پس توشیشی گه سبب بولیشی ممکن.
اسلام امیرلیگی سوزلاوچیسی افغانستان ده فساد گه قرشی کوره‌ش اوستیگه تاکیدلب ایتیشیچه، افغانستان ده فساد اینگ آز بولیشی ممکن و اوشبو رده‌بندلیک ده افغانستان اورنی بوندن آرتیق‌راغ بولیشی ممکن ایدی.
ذبیح‌الله مجاهد نینگ سلام‌وطندار گه ایتیشیچه: «اوتگن ییل گه نسبتن بو ییل فساد آز دیر، بیر یا که ایکی فایز بولیشی ممکن، شونی اوچون افغانستان اینگ یوقاری اورین‌لرده قرار تاپردی، بیراق ینه هم تینیق‌لیک اداره‌سی آنلاین ایشلردن قوللنه‌دی و افغانستان اونگه باغلیق ایمس شونی اوچون افغانستان اورینی پس توشگن بولیشی ممکن.»
بیزلرنینگ «ایکس» ترماغی ده هم تعقیب قیلینگ!
عین‌حالده، احصائیه و معلومات مسئله‌لر بوییچه ایش بیلرمان ظاهر بهزاد نینگ ایشانچی گه کوره، فساد گه قرشی کوره‌ش خلق‌ارا شاخص ده افغانستان اورنی تعیینلنیشی، خلق‌ارا شفافیت تشکیلاتی، یشاوچیلر نینگ دولتی اطلاعات گه قول تاپیش کبی شاخص‌لر و بانکی تیزیم وضعیتی اوستیگه تاثیری بار.
ایتیش کیره‌ک، خلق‌ارا تینیق‌لیک تشکیلاتی نینگ ینگی رده‌بندلیگی ده دنمارک ۹۰ امتیاز بیلن بیرینچی اورینده و سومالی اوشبو رده‌بندلیک نینگ اینگ آخری ده قرار تاپگن.
