بیرلشگن ملت‌لر تشکیلاتی نینگ اورگه‌تیش، علمی و فرهنگی تشکیلاتی (یونسکو) بوگون سواد اورگه‌تیش خلق‌ارا کونی مناسبتی بیلن کابل ده ییغین یولگه قوییب، افغانستان ده سواد اورگه‌تیش ینگی کمپاین باشلنگنیدن خبر بیردی.
اوشبو ییغینده یونسکو تشکیلاتی نینگ مسئوللری گه کوره، مذکور کمپاین افغانستان نینگ ۲۰ ولایتیده ۲۵ مینگ کیشی گه سواد اورگه‌تیش مقصدیده یولگه قوییلیشی ممکن.
کابل ده یونسکو دفتری نینگ مسئولی مک فیلفس پتریشیا گه کوره: «یونسکو برچه همکارلری بیلن سواد اورگه‌تیش اهمیتی و عامه آگاهی‌لیگی اوچون سواد اورگه‌تیش کمپاین نی یولگه قویه‌دی و بو کمپاین افغانستان نینگ ۲۰ ولایتیده یولگه قوییله‌دی و اوشبو کمپاین ده ایرکک و عیال کیکسه‌لر شامل ۲۵ مینگ کیشی گه سواد اورگه تیله‌دی.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، مذکور ییغینده اسلامی امارت سرپرست حکومتی معارف وزیرلیگی نینگ مسئوللری، مملکتده سواد اورگه‌تیش برنامه دن تنقید قیلیب ایتیشلریچه، سواد اورگه‌تیش اوچون یولگه قوییلگن اکثر برنامه‌لر خیالی دیر.
معارف وزیرلیگی نینگ نظارت و تیکشیریش باشلیغی صدرالدین سعد گه کوره، مذکور وزیرلیک نینگ نظارتی تیم‌لری نینگ معلوماتی اساسیده، سواد اورگه‌تیش کورس‌لردن بیر قطاری خیالی دیر و شونینگدیک اولردن باشقه بیر قطاری آز کیشی‌لر اوچون یولگه قوییلگن.
صدرالدین سعد نینگ ایتیشیچه: «قطار ولایت‌لرده باریب کوردیک که سواد اورگه‌تیش کورس‌لر نینگ در واقع قیینچیلیگی بار، سرپل دن بیز بیلن شریک قیلینگن بیر مورد ده یونیسف نینگ سواد اورگه‌تیش کورس‌لریدن بیری ده، ۸_صنف و ۹_صنف دولت مکتبی اوقووچیلری حضوری بار، شونینگدیک کنر ده نیچه منطقه گه باریب سوره‌دیک که اوشبو صنف ده نیچه کیشی دیب، ایتدیلر ۲۰ کیشی بیراق ۵ کیشی حضور تاپگن ایدی، بعضی جای لرده سواد اورگه‌تیش کورس‌لر آت گه بار، لیکن اوزی یاپیق دیر.»
بیزلرنینگ توییترده هم تعقیب قیلینگ!
عین‌حالده، اسلامی امارت تامانیدن آلتینچی صنف دن یوقاری قیزلر نینگ مکتب‌لری یاپیلیشیدن بیر ییل دن کوپ اوتماقده و اسلامی امارت سرپرست حکومتی مکتب‌لرنی آچیش اوچون انیق بیر قرار گه کیلمه‌گن.
آلتینچی صنف دن یوقاری قیزلر نینگ مکتب‌لری یاپیق قالیشی، ایچکی و خلق‌ارا مناسبت‌لر بیلن روپه‌ره بولگن. اوشبو مناسبت‌لر بیلن افغانستان نینگ حاضرگی حکومتی آلتینچی صنف دن یوقاری قیزلر نینگ مکتب‌لرینی آچیش گه تیارگرلیک کورستمه‌گن.